२८ असार २०८३, आइतबार
शाहरुख खान स्टारर फिल्म 'पठान' सुपरहिट भएपछि यशराज फिल्मसले अब सलमान खान स्टारर टाइगरको फ्रेन्चाइजी 'टाइगर ३' को तेस्रो सिरिज बनाउने तयारीमा जुटेको छ।
स्पाइ युनिभर्समा 'टाइगर र वार' पछि अब 'पठान'को पनि समावेश भएको छ ।
यशराज फिल्मसका प्रमुख आदित्य चोपडाले यो स्पाइले झन् नयाँ उचाइमा लैजाने बताएका छन्।
'पठान' र 'टाइगर' ३ अर्थात् शाहरुख खान र सलमान खानलाई एउटै फिल्ममा ल्याउने योजनामा चोपडामा छन्।
यशराज फिल्मसले हालै 'पठान भर्सेस टाइगर'को स्क्रिप्टमा काम गरिरहेको जनाएको छ। जसले शाहरुख र सलमानलाई ३० वर्षपछि पूर्ण भूमिकामा सँगै ल्याउनेछ।
आदित्य चोपडाले यो फिल्ममा लेखक श्रीधर राघवनसँग काम गरिरहेका छन् ।
सन् १९९५ मा 'करण अर्जुन' रिलिज भएदेखि शाहरुख र सलमानलाई एकसाथ पूरा भूमिकामा देखिनेछ।
'टाइगर-पठान'लाई एकसाथ ल्याउने दुई नायकको कथा आदित्य चोपडा आफैंले श्रीधर राघवनसँग मिलेर निर्माण गरिरहेका बताएका छन्।
