०८ साउन २०८३, शुक्रबार
एसीसी प्रिमियर कप क्रिकेटअन्तर्गत नेपाल र साउदी अरबबीचको खेल खराब मौसमका कारण प्रभावित भएको छ ।
मूलपानी क्रिकेट मैदानमा आज बिहान ८:३० बजे हुनुपर्ने टस वर्षा बाधक बनेपछि हुन सकेको छैन । तेस्तै समूह ‘ए’मा रहेका नेपाल र साउदीबीचको खेल अहिले ९ बजेदेखि शुरू हुनुपर्ने थियो तर मूलपानी क्षेत्रमा सिमसिम पानी परिरहेका कारण खेल शुरूआत हुन सकेको छैन ।
उक्त प्रतियोगितामा विभिन्न १० राष्ट्रको सहभागिता रहेको छ । जसलाई दुई समूहमा विभाजन गरिएको छ । समूह ‘ए’मा आयोजक नेपालसहित मलेसिया, साउदी अरेबिया, कतार र ओमान रहेका छन् ।
तेस्तै समूह ‘बी’ मा बहराइन, कुवेत, सिंगापुर, हङकङ र यूएई रहेका छन् । हरेक समूहमा शीर्ष स्थानमा रहने दुई टोलीले सेमिफाइनल खेल्ने छन् ।
कीर्तिपुरस्थित त्रिवि मैदानमा आजै हुने भनिएको समूह ‘बी’ का हङकङ र बहराइनबीच खेल पनि वर्षाका कारण प्रभावित बनेको छ ।
