पुस १७, २०८०
अटोमोटिभ इनोभेसनमा विश्वकै अग्रणी ब्राण्ड फोटोनले ‘हाई रुफ ईभी भ्यान’ नेपालमा सार्वजनिक गरेको छ । फोटोनको आधिकारिक बिक्रेता एमएडब्लू वृद्धि कमर्शियल भेहिकलले सोमवार एक कार्यक्रम आयोजना गर्दै उक्त...
ब्याडमिन्टन, टेनिस लगायतका खेल सामग्री उत्पादक चर्चित जापानी 'ब्रान्ड' योनेक्सका सामानजस्तै देखिने गरी कपी गरिएका नक्कली सामान नेपाली बजारमा छ्याप्छ्याप्ती पाइन थालेको छ ।
बजारमा खासगरी र्याकेट, टी- शर्ट, हाफ पाइन्ट, मोजा नक्कली भेटिन थालेको योनेक्सको नेपालका लागि आधिकारिक बिक्रेता इनास इन्टरप्राइजेजका अध्यक्ष राजु बास्तोलाले बताए ।
वनस्थलीका डा. पुरुषोत्तम घिमिरेले महाबौद्धको एक पसलबाट योनेक्सको लोगो राखिएको र्याकेट किनेका रहेछन्, तर त्यसको 'पफर्मेन्स' सक्कली र्याकेटको जस्तो पाएनन् ।
'मैले योनेक्सको भनेर र्याकेट किनेर ल्याएँ, तर ब्याटिङ गर्दा त्यसको पावर नपुगेको महसूस भयो । पछि फेसबूकमार्फत आधिकारिक बिक्रेता पत्ता लगाएर अफिसमा गई जाँच गर्दा नक्कली सामानमा ठगिएको थाहा भयो,' उनले दु:खी हुँदै भने ।
अर्का ग्राहक सनम खनालको दु:खेसो पनि उस्तै छ ।
आफूले प्रयोग गर्दै आएको योनेक्स र्याकेटको स्ट्रिङ्ग चुडिएर फेर्दा त्यो पनि नक्कली परेको खनालको गुनासो छ ।
'स्ट्रिङ्ग चुँडिएर महाबौद्धमा फेर्न दिएको थिएँ, तर फेरेको केही दिनमा फेरि चुँडियो,' खनालले भने, 'पछि धर्मपथमा रहेको इनास इन्टरप्राइजेजमा आएर देखाउँदा नक्कली स्ट्रिङ्ग फेरिदिएको थाहा पाएँ,' उनले भने।
सक्कली सामान ठानेर किन्दा ग्राहकहरू ठगिनुपरिरहेको नेपालका लागि योनेक्सको आधिकारिक बिक्रेता इनास इन्टरप्राइजेजका अध्यक्ष राजु बास्तोला बताउँछन् ।
'विचरा ग्राहकहरूलाई पनि के थाहा, सक्कली सामान ठानेर किन्दा उहाँहरू ठगिइरहनुभएको छ,' बास्तोलाले भने ।
महाबौद्ध, न्युरोड, कालिमाटीलगायत स्थानमा योनेक्सका नक्कली समान जताततै पाइन थालेको उनले बताए । देख्दा उस्तै भए पनि क्वालिटीमा भने आकाश जमिनको फरक पर्ने गरेको छ ।
'नक्कली सामानको बिगबिगीले गर्दा हाम्रा सक्कली सामानको बिक्रीमै ह्याम्पर परिरहेको छ,' बास्तोलाले भने, 'खुल्लमखुला यसरी डुप्लिकेट समान ल्याउनै नपाइने हो । ल्याइहालेमा पनि सरकारले जफत गर्नुपर्ने हो, तर किन जफत गरिरहेको छैन ?'
योनेक्सका कतिपय उत्पादनहरू चोरीपैठारी भएर नेपालगञ्ज भन्सार हुँदै भित्रिएको जानकारी समेत आफूले पाएको उनले बताए ।
'नेपालगञ्ज भन्सारबाट योनेक्सका सक्कली समान नै पनि विना भन्सार भित्रिन थालेको सूचना पाएको छु । सरकारले तुरुन्तै यसलाई नियन्त्रण गर्नुपर्यो,' बास्तोलाले थपे ।
सक्कली सामान कसरी चिन्ने त ? त्यसको सहज तरिका प्रस्ट पार्दै बास्तोलाले भने, 'योनेक्सको कुनै पनि सामान किन्दा अथेन्टिकेटर माग्नुस् र त्यसले सामानमा भएको होलोग्राम चेक गर्नुस्, त्यसो गर्दा भिजिबल पार्टमा बिरालोको आँखाजस्तो टल्किन्छ, तर नक्कलीमा त्यो टल्किँदैन । त्यहाँ त्यस्तो केही पनि देखिँदैन ।'
माथि उल्लेखित प्रक्रिया अपनाउने हो भने सक्कली र नक्कली सामग्री सहजै चिन्न सकिने उनको दाबी छ ।
विशेषगरी खेलसँग सम्बन्धित सामग्री उत्पादन गर्ने योनेक्सका र्याकेट, कक, जुत्ता, मोजा, टी-शर्ट, ब्याग आदि नेपाली बजारमा उपलब्ध छन् ।
इनास इन्टरप्राइजेजले मल्टनका फूटबल, भलिबल, बास्केटबललगायतका खेल सामग्री पनि नेपाली बजारमा उपलब्ध गराउँदै आएको छ ।
हेर्नुहोस्, भिडियो :
अटोमोटिभ इनोभेसनमा विश्वकै अग्रणी ब्राण्ड फोटोनले ‘हाई रुफ ईभी भ्यान’ नेपालमा सार्वजनिक गरेको छ । फोटोनको आधिकारिक बिक्रेता एमएडब्लू वृद्धि कमर्शियल भेहिकलले सोमवार एक कार्यक्रम आयोजना गर्दै उक्त...
यशोदा फूड्स प्रालिले करेन्ट चाउचाउ लगायत आफ्नो कम्पनीको उत्पादन र विक्रीवितरणमा कुनै पनि रोक नलागेको स्पष्ट पारेको छ । उत्पादन बिक्रीवितरणमा रोक लगाईपाउँ भन्दै परेकोउजुरीविरुद्ध उद्योग विभागले गत जे...
इस्पी सम्बत्को नयाँ वर्ष सन् २०२४ को अवसरमा नेपालको प्रमुख पर्यटकीय नगरी पोखरामा २५ औँ ‘पोखरा स्ट्रिट फेस्टिभल’ हुने भएको छ । रेस्टुरेन्ट एण्ड बार एसोसिएसन नेपाल (रेवान)को आयोजना र एडसाथीको व्यवस्थ...
महिन्द्रा एण्ड महिन्द्रा (लास्ट माइल मोबिलिटी)को आधिकारिक विक्रेता अग्नि ग्रुपले इलेक्ट्रिक थ्री–ह्वीलर अटो‘ट्रियो’ नेपालका विभिन्न ठाउँमा सार्वजनिक गरेको छ । महिन्द्राले छोटो सम...
गुल्मीमा मैत्री यातायात प्रालिले विद्युतीय माइक्रो बस सञ्चालनमा ल्याएको छ । गुल्मीदेखि बुटवल हुँदै सुनौलीसम्म १० वटा इलेक्ट्रिक भेइकल सञ्चालनमा ल्याएको हो । बिहीबार जिल्ला समन्वय समिति गुल्मीक...
नेपालका लागि टाटा मोटर्सको एकमात्र आधिकारिक वितरक, सिप्रदी ट्रेडिङ्ग प्रालिले विद्युतीय गाडी टाटा टियागो ईभीको शुरूवाती मूल्य योजना समाप्त भएको जनाएको छ । सन् २०२३ को सेप्टेम्बरमा आयोजित नाडा अटो शोको ...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...