नेपालमा थप ६० जनामा कोरोना भाइरसको संक्रमण पुष्टि भएको छ । पछिल्लो २४ घण्टामा १ हजार ४७३ जनामा परीक्षण गर्दा ६० जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । 

मन्त्रालयका अनुसार यस अवधिमा ५५ जना संक्रमणमुक्त भएका छन् भने २ हजार ६३५ जनाले कोरोनाविरुद्धको खोप लगाएका छन् । अहिले देशभर ३२८ जना सक्रिय संक्रमित छन् ।

सक्रिय संक्रमितमध्ये २८ जना संस्थागत आइसोलेसन, ९ जना आईसीयू र १ जना भेन्टिलेटरमा रहेका छन् ।