२२ असार २०८३, सोमबार
सरकार समर्थित १० दलको बैठक सकिएको छ ।
बैठकमा नीति तथा कार्यक्रम र बजेटका विषयमा छलफल भएको प्रधानमन्त्रीको सचिवालयले जनाएको छ ।
बैठकमा नेपाली कांग्रेस, माओवादी केन्द्र, नेकपा एकीकृत समाजवादी, जनता समाजवादी पार्टी, लोकतान्त्रिक समाजवादी, नेपाल समाजवादी दलका नेतालाई बोलाइएको थियो ।
त्यस्तै, जनमत पार्टी, नागरिक उन्मुक्ति, राष्ट्रिय जनमोर्चा र आम जनता पार्टीका नेता पनि सहभागी थिए ।
सिंहदरबारमा बसेको बैठकमा दलका शीर्षसहितका नेता सहभागी थिए ।
त्यसक्रममा प्रधानमन्त्री पुष्पकमल दाहाल 'प्रचण्ड'ले साझेदार दलहरूसँग सुझाव मागेका थिए ।
'प्रधानमन्त्रीले बजेटमा सुझाव माग्नुभएको छ,' जसपा अध्यक्ष उपेन्द्र यादवले भने, 'भोलिसम्ममा आ-आफ्नो सुझाव पेश गर्ने कुरा भएको छ ।'
यस्तै जनमत अध्यक्ष सीके राउतले आफूले सिञ्चाइ लगायतका विषयलाई बजेटमा समेट्नुपर्ने कुरा राखेको लोकान्तरसँग बताए ।
