कात्तिक २०, २०८०
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
काठमाडाैं | साउन २४, २०८०
आजभन्दा १७ वर्षअघि रौतहटको गौरमा २७ जनाको ज्यान जानेगरी भएको हत्याकाण्डबारे छानबिन गर्ने गरी गृह मन्त्रालयले पीडितसँग सहमति गरेपछि जसपा अध्यक्ष उपेन्द्र यादव झस्किएका छन् ।
गौर हत्याकाण्डको फाइल खोल्ने सुरसार गरेको भन्दै उपेन्द्रले पुष्पकमल दाहाल ‘प्रचण्ड’ नेतृत्वको वर्तमान सरकार छाड्ने धम्की समेत दिएका छन् ।
गृह मन्त्रालयले पीडितसँग ५ बुँदे सहमति गरेलगत्तै मंगलवार उपेन्द्रले सत्ता साझेदार प्रमुख घटक नेपाली कांग्रेसका सभापति शेरबहादुर देउवासँग भेटवार्ता गरेका थिए ।
मंगलवार प्रधानमन्त्री निवास बालुवाटारमा बसेको तीन दलको बैठकलगत्तै उपेन्द्रले देउवासँग भेट गरेका थिए ।
भेटमा उपेन्द्रले 'नक्कली भुटानी शरणार्थी प्रकरणमा तपाईं (देउवा)लाई अप्ठ्यारो पारेजस्तै अहिले आफूलाई अप्ठ्यारो पार्न लागेको' भनेर गुनासो गरेको स्रोतको दाबी छ ।
जसपा उच्च स्रोतका अनुसार देउवाले आफूले प्रधानमन्त्रीसँग कुरा गर्ने भन्दै तत्काल सरकार छाड्ने निर्णय नलिन आग्रह गरेका थिए ।
उपेन्द्रको सरोकारबारे बुधवार देउवाले प्रचण्डसँग छलफल गरेका छन् ।
बालुवाटारमा तीन दलको बैठकअघि प्रचण्ड र देउवाबीच भएको भेटमा यस विषयमा कुराकानी भएको उच्च स्रोतको दाबी छ ।
‘गठबन्धनले उहाँ (उपेन्द्र)लाई विजयी गराएर संसदमा ल्याएको हो, यस्तो बेला सरकार छाड्नुहुन्छ र ओली (एमाले अध्यक्ष केपी शर्मा ओली)सँग जान्छु भन्नुहुन्छ भने केही छैन, १२ को बदला १४ भित्र्याउँछु,’ प्रचण्डले देउवालाई दिएको जवाफबारे जानकार जसपा स्रोतले लोकान्तरसँग भन्यो ।
प्रचण्ड र देउवाबीचको भेटपछि उपेन्द्रले देउवासँग टेलिफोन संवाद गरेका थिए । त्यसक्रममा देउवाले प्रचण्डसँग कुराकानी गरेको जवाफ दिएको स्रोतले बतायो ।
प्रचण्डले १२ को बदलामा १४ भनेर राप्रपातर्फ संकेत गरेका हुन् । संसद्मा राप्रपाका १४ र जसपाका १२ सांसद छन् । प्रचण्ड सरकारमा सहभागी राप्रपा ३२ दिनमै सरकारबाट बाहिरिएको थियो ।
राप्रपालाई केन्द्र सरकारमा भित्र्याउँदा कोशी प्रदेशमा पनि गठबन्धन बलियो हुने र कांग्रेस नेतृत्वको सरकार टिक्ने हिसाब प्रचण्डले देउवालाई सुनाएका थिए ।
गौर हत्याकाण्डको फाइल खुल्ने भयो भनेर त्रसित उपेन्द्रले मंगलवारदेखि नै भेटघाट र दौडधूप बढाएका छन् । यसक्रममा मंगलवार राति एमाले अध्यक्ष केपी शर्मा ओलीसँग पनि भेटवार्ता गरेका थिए ।
बालकोटस्थित ओलीको निवासमा भएको भेटमा उपेन्द्रले सरकार छाड्ने मनस्थितिमा पुगेको भन्दै नयाँ सरकारको सम्भावनाबारे समेत कुराकानी गरेको स्रोतको दाबी छ ।
जवाफमा ओलीले नयाँ सरकारका लागि जसपा मात्र आउँदा नपुग्ने बताएका थिए ।
‘तपाईंले छाडेर मात्र सत्ता परिवर्तन हुँदैन, तैपनि तपाईंको कदममा मेरो समर्थन रहन्छ भन्ने ओलीको भनाइ थियो,’ उपेन्द्रनिकट स्रोतले लोकान्तरसँग भन्यो ।
यस सम्बन्धमा उपेन्द्रले पार्टीका नेताहरूसँग पनि छलफल गरेका छन् । बुधवार पार्टी कार्यालय बालकुमारी उपेन्द्रले उपलब्ध केन्द्रीय कार्यकारिणी सदस्यसँग छलफल गरेका छन् ।
१७ वर्षअघि रौतहटको गौरमा माओवादीको सभा बिथोल्ने क्रममा भएको आक्रमणमा २७ जना माओवादी कार्यकर्ताको मृत्यु भएको थियो ।
सो घटनामा उपेन्द्र यादवको हात रहेको पीडितहरूले बताउँदै आएका छन् ।
उक्त हत्यकाण्ड छानबिन गर्नेगरी मंगलवार गृह मन्त्रालयले पीडितसँग ५ बुँदे सहमति गरेको थियो । सो सहमतिलाई लिएर उपेन्द्र झस्किएका हुन् ।
उपेन्द्रले सरकार छाडेर प्रधानमन्त्रीलाई दिएको समर्थन फिर्ता लिएमा प्रचण्डले संसदमा पुनः विश्वासको मत लिनुपर्ने छ ।
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...