डाबर नेपालले भूकम्पपीडितको राहतका लागि प्रधानमन्त्री दैवी प्रकोप उद्वार कोषमा २५ लाख रुपैयाँको चेक हस्तान्तरण गरेको छ ।

कम्पनीकी अध्यक्ष ईश्वरी राणा तथा व्यवसाय प्रमुख हरकिरतसिंह बेदी तथा कम्पनीका वरिष्ठ अधिकारीहरूले शुक्रवार प्रधानमन्त्री पुष्पकमल दाहाल प्रचण्डलाई चेक हस्तान्तरण गरेका हुन् ।

डाबर नेपालले जाजरकोट केन्द्रविन्दु भएर गत महिना गएको विनाशकारी भूकम्पमा ज्यान गुमाउनेहरूप्रति दुःख व्यक्त गर्दै घाइतेहरूको शीघ्र स्वास्थ्य लाभको कामनासमेत  गरेको छ  । 

यस संकटको घडीमा भूकम्प प्रभावित जिल्लाका जनतासँगै रहेकाे कम्पनीको प्रतिबद्धता छ ।