त्रिभुवन विश्वविद्यालयको ४९औं दीक्षान्त समारोहका कारण काठमाडौं उपत्यकाको ट्राफिक अस्तव्यस्त  बनेको छ । काठमाडौंको त्रिपुरेश्वरस्थित दशरथ रंगशालामा सोमवार दीक्षान्त समारोह चलिरहेको छ । 

प्रधानमन्त्री एवं विश्वविद्यालयका कुलपति पुष्पकमल दाहाल प्रचण्ड कार्यक्रममा सहभागी हुँदैछन् । त्रिपुरेश्वर क्षेत्रमा सवारी साधनको चाप बढ्दा कार्यालय समयमा काठमाडौं उपत्यकाको सवारी आवागमन अस्तव्यस्त बनेको छ । 

काठमाडौं उपत्यका ट्राफिक प्रहरी कार्यालयले पनि काठमाडौंका ठाउँठाउँमा ट्राफिक जाम रहेको जनाएको छ । 

बिहान साढे १० बजेको समयमा त्रिपुरेश्वर, थापाथलीको जाम कुपण्डोल हुँदै जावलाखेलसम्म पुगेका थियो ।

गिनिज बुकका रेकर्ड राख्ने भनिएको दीक्षान्त समारोहमा १२ हजार दीक्षित हुने तयारी छ ।​