दीपेन्द्र लामाको लेखन एवं निर्देशनमा निर्माण हुन लागेको फिल्म ‘दुःखी आत्मा’को शीर्ष अभिनेत्रीमा आँचल शर्मा अनुबन्धित भएकी छन् । 

निर्माण टिमले सोमवारमात्रै उनलाई फिल्ममा अनुबन्धित गरेको हो । 

फिल्मको शीर्ष अभिनेताका रुपमा दयाहाङ राई यसअघि नै अनुबन्धित भइसकेका छन् ।

फिल्ममा अभिनेत्री शर्मालाई अभिनेता राईको जोडीका रुपमा लिइएको लेखक एवं निर्देशक लामाले बताए । 

यो फिल्मको निर्माता हिमाल कडरिया हुन् । 

निर्देशक लामा र निर्माता कडरियाले यसअघि सहकार्य गरेको फिल्म ‘नाङ्गो गाउँ’ सुपरहिट भएको थियो । 

चैतमा छायांकनमा जाने ‘दुःखी आत्मा’को अहिले स्क्रिप्ट लेखन कार्य अन्तिम चरणमा पुगेको निर्माण टिमले जनाएको छ । अन्य कलाकार र प्राविधिक चयन गर्न बाँकी रहेको फिल्मलाई आरआर फिल्मसले वितरण गर्नेछ ।