×

दक्षिण अफ्रिकामाथि जीतनजिक पुगेको नेपाल कहाँ चुक्यो ?

पराजयबारे विज्ञका आ–आफ्नै तर्कः कोही देख्छन् खेलाडीलाई दोषी, केही भन्छन्– अनुभवको कमी

काठमाडाैं | असार १, २०८१

शनिबार बिहान नेपाली क्रिकेट समर्थकमा एकाएक सन्नाटा छायो । टी–२० विश्वकपमा बलियो टेस्ट राष्ट्र दक्षिण अफ्रिकालाई जितेर इतिहास रच्ने सुनौलाे मौका गुमेपछि कतिपय समर्थकले आँशु रोक्न सकेनन् । विशेषगरी सेन्ट भिसेन्ट एन्ड ग्रेनाडिनेसस्थित आर्नोस भेला रंगशालामा प्रत्यक्ष खेल हेरिरहेका दर्शकको पीडा टेलिभिजनमै स्पष्ट देखिन्थ्यो । हुन पनि नेपाली टोली दक्षिण अफ्रिकाजस्तो ठूलो टोलीविरुद्ध जीतउन्मुख थियो । अन्तिममा खेलमा नाटकीय मोड आयो र नेपाल मात्र १ रनले पराजित हुन पुग्यो । यसलाई नेपाली समर्थकले अझै पचाउन सकिरहेका छैनन् । सामाजिक सञ्जालभर पीडा छताछुल्ल पोखिइरहेको छ । ‘आजको जति पीडा त छातीमा गोली लागेको भए पनि मान्दिन थिएँ होला । भुलाउनै सकिरा छैन,’ एक नेपाली क्रिकेट समर्थकले सामाजिक सञ्जालमा लेखेका छन् ।

null


Advertisment

खेलले यसरी लिएको थियो नाटकीय मोड


Advertisment

दक्षिण अफ्रिकाविरुद्ध जित्नैपर्ने दबाबसहित मैदानमा उत्रिएको थियो नेपाल । कप्तान रोहितकुमार पौडेलले टस पनि जिते । पहिले बलिङ गर्ने निधो गरे । नेपालका बलरले उत्कृष्ट प्रदर्शन गरेपछि दक्षिण अफ्रिका धर्मराएको थियो । बलियो मानिएको टेस्ट राष्ट्र सबै ओभर खेल्दा ७ विकेट गुमाएर ११५ रनमै समेटियो । दक्षिण अफ्रिकाले दिएको ११६ रनको लक्ष्य पछ्याएको नेपालले निर्धारित २० ओभरमा सात विकेट गुमाएर ११४ रन मात्रै बनाउन सक्यो ।​ एकपटक नेपाल ३० बलमा २५ रन मात्र बनाउनुपर्ने बलियो स्थितिमा थियो । यसैबेला लगातार विकेट पटन हुन पुग्यो ।

यसका बीच पनि जित्ने आशा जीवितै थियो । अन्तिम ओभरमा जीतका लागि नेपाललाई ८ रन चाहिएको थियो । शुरूका २ बल डट खेलेका गुल्सन झाले तेस्रो बलमा चौका प्रहार गरे र चौथो बलमा २ रन लिए । पाँचौं बल फेरि डट खेलेका उनी अन्तिम बलमा रन आउट भएपछि नेपालले पीडादायी हार व्यहोर्नु पर्यो । यदि उनले अन्तिम बलमा १ रन मात्र जोड्न सकेको भए खेल सुपर ओभरमा पुग्थ्यो । खेल जे पनि हुन सक्थ्यो । रोकिँदै दौडिएका उनी लक्ष्यमा पुग्न सकेनन् । यो उनका लागि र सिंगो नेपाली क्रिकेट इतिहासकै लागि पीडादायी भयो ।

इतिहास रच्नबाट किन र कहाँ चुक्यो नेपाल ?

राष्ट्रिय क्रिकेट टोलीका पूर्वप्रशिक्षक जगत टमाटा अन्तिम र निर्णायक समयमा नेपाली ब्याटरले १ रनलाई २ मा परिणत गर्न नसक्नु नै साँघुरो हारको कारण रहेको बताउँछन् । 

साथै नेपाल पराजित हुनुमा दक्षिण अफ्रिकाको अनुभवले पनि काम गरेको उनले बताए । खेल हारे पनि नेपाली खेलाडीले उच्च प्रदर्शन गरेको भन्दै उनले प्रशंसा गरे । विशेषगरी सबै बलरले उच्च प्रदर्शन गरेको उनको विश्लेषण छ ।

ब्याटिङमा पनि शुरूवातीमा राम्रो प्रदर्शन गरे पनि १६ ओभरपछि नेपाली खेलाडी चुकेको उनको भनाइ छ ।

null   

‘दक्षिण अफ्रिकाविरुद्ध सबै बलरले राम्रो प्रदर्शन गरे । कि विकेट लिए कि रोके । यस्तो हो क्रिकेट खेल्ने । हामीले बेटर क्रिकेट खेलेका छौँ’, उनले थपे, ‘ब्याटिङमा नेपालको शुरूवात राम्रो भयो । कुशल भुर्तेल र आसिफ शेखले ओपनिङमा राम्रो गरे । १६ देखि २० सम्ममा हामी चुक्यौं । रनको लागि जानुपथ्र्यो । १ लाई २ मा कन्भर्ट गर्न चुक्न पुग्यौं । अर्कोतिर दक्षिण अफ्रिकाकाे अनुभवले काम गर्यो । उनीहरूले आफ्नो अनुभवको प्रदर्शन गरे ।’

‘नेपाली खेलकुदको वृतान्त’ लेखेर चर्चित बनेका लेखक तथा वरिष्ठ खेल पत्रकार नवीन अर्याल नेपालले जितिसकेको खेल हार्नुमा कुनै व्यक्ति खेलाडीलाई दोष दिनु नहुने बताउँछन् । ठूला खेलमा हुनुपर्ने अनुभवको कमीले नेपालले खेल हारेको उनको भनाइ छ ।

‘खेल हार्नुको दोष कुनै खेलाडीलाई व्यक्तिगत रुपमा नलगाउँ । ठूला टोलीसँग खेल्दाखेरीको खेल अनुभवको कमीले नेपालले हारेको हो । क्यान (नेपाल क्रिकेट संघ)ले विश्वकपको तयारीस्वरुप ठूला टोलीसँग धेरैभन्दा धेरै अभ्यास खेल गराउनु पथ्र्यो, त्यो भएन,’ लोकान्तरसँग कुरा गर्दै उनले भने । 

दक्षिण अफ्रिकासँग उच्च प्रदर्शन गरेको भन्दै लेखक अर्यालले नेपाली खेलाडीको प्रशंसा गरे । अमेरिकाको तुलनामा वेस्ट इन्डिजको पिच ब्याटिङ पिच रहेको उदाहरण दिँदै उनले नेपाली बलरले दक्षिण अफ्रिकाजस्तो सशक्त टोलीलाई ११५ मा रोक्नु चानचुने कुरा नरहेको बताए ।

क्रिकेट कमेन्टेटर सचिन तिमल्सिनाले भने गुल्सन झाले फिनिसिङ गर्न नसक्नु हारको प्रमुख कारण रहेको बताए । वेस्ट इन्डिजमा रहेका उनले त्यहीँ सञ्चारमाध्यमलाई प्रतिक्रिया दिँदै ३० बलमा २५ रन चाहिएको अवस्थामा हार्नु भनेको दक्षिण अफ्रिकाले जितेको नभएर नेपाल आफैँले हारेको धारणा राखे ।

null

‘हार्नुको कारण कतिपयले गुल्सनलाई दोषी देखिरहेका छन् । त्यो एक हदसम्म सही पनि हो । अन्तिम ओभरमा उनी ज्यानको बाजी राखेर भए पनि दौडनुपथ्र्यौ । उनी बीचमा किन रोकिए भन्न सकिएन । यसलाई उनले आफ्नो खेल जीवनको सबैभन्दा ठूलो भूलचुकको रुपमा लिनेछन्,’ तिमल्सिनाले भने, ‘दक्षिण अफ्रिकालाई ११५ रनमा रोक्नु ठूलो उपलब्धि थियो । ओपनिङ राम्रो भयो तर हामी फिनिसिङमा​ चुक्यौं । ३० बलमा २५ रन चाहिएको थियो । यस्तोमा हार्नु भनेको दक्षिण अफ्रिकाले जितेको होइन हामी आफैँ हारेको हो ।’

। भारतका पूर्वक्रिकेटर मोहम्मद कैफले पनि तिमल्सिनाकै जस्तो धारणा राखेका छन् । ‘२ बलमा २ रन चाहिएको बेला स्पीड कम गर्नु नै हारको कारण हो,’ उनले भिडियो सन्देश जारी गर्दै भनेका छन् ।

nepal

सिनियर क्रिकेट खेलाडी विजय शर्माले भने कुशल मल्लको गैरजिम्मेवारी ब्याटिङका कारण नेपालले हार व्यहोर्नुपरेको तर्क गरेका छन् । ‘मल्लको गैरजिम्मेवार ब्याटिङ,’ उनले सामाजिक सञ्जालमा लेखेका छन् । नेपाल आफ्नो क्रिकेटको इतिहासमा सबैभन्दा ठूलो जीत निकाल्न असफल भएको भन्दै यसबाट आफू दुःखी भएको उल्लेख गरेका छन् ।  

नेपाल झिनो अन्तरले पराजित भएपछि विश्वभर नेपाली खेलाडीप्रति सहानुभूति आइरहेको छ । अन्तराष्ट्रिय क्रिकेट परिषद् (आईसीसी)लगायत धेरै निकायले नेपाली खेलाडीले उच्च प्रदर्शन गरेको भन्दै प्रशंसा गरेका छन् । ती संस्थाले नेपाली समर्थकले देखाएको तदारुकतालाई सलाम गरेका छन् ।

दक्षिण अफ्रिकाविरुद्ध कस्तो रह्यो नेपाली खेलाडीको प्रदर्शन ?  

नेपालका लागि आशिफ शेखले सर्वाधिक ४२ रन बनाए । ४९ बल खेलेका उनले चार चौका र एक छक्का प्रहार गरे ।

यस्तै अनिल शाहले २७ बनाए । २४ बल खेलेका उनले तीन चौका र एक छक्का प्रहार गरे । दीपेन्द्रसिंह ऐरीले ६ रन बनाए । यसअघि कुशल भुर्तेल १३ रन बनाएर आउट भएका थिए । २३ बल खेलेका उनले एक चौका र एक छक्का प्रहार गरे ।

कप्तान रोहित पौडेल शून्यमै आउट भए भने कुशल मल्ल १ रन बनाएर पवेलियन फर्किए । गुल्सन झाले ६ र सोमपाल कामीले ८ रन बनाए ।

यसअघि टस हारेर पहिले ब्याटिङ गरेको दक्षिण अफ्रिकाले निर्धारित २० ओभरमा ७ विकेट गुमाएर ११५ रन बनाएको थियो । 

नेपालका लागि दीपेन्द्रसिंह ऐरी, कुशल भुर्तेल र सन्दीप लामिछानेले सानदार बलिङ गरे । भुर्तेलले ४ तथा दीपेन्द्रले ३ विकेट लिए ।

null 

कुशलले ४ ओभर बलिङ गर्दै १९ रनमात्र दिए । त्यस्तै, दीपेन्द्रले ४ ओभर बलिङ गर्दै मात्र २१ रन खर्चिए । यस खेलबाट कम्ब्याक गरेका सन्दीपले ४ ओभर बलिङ गर्दै मात्र १८ रन खर्चिए पनि विकेट भने लिन सकेनन् ।

दक्षिण अफ्रिकाले यसअघि खेलेको ३ वटै खेलमा जीत हासिल गरेको थियो । उसले श्रीलंका, बंगलादेश र नेदरल्यान्ड्सलाई पराजित गर्दै १ खेलअगावै सुपर ८ मा पुगेको हो । 

त्यस्तै नेपालले यसअघि खेलेका २ मध्ये १ मा हार तथा एउटामा बराबरी खेलेको थियो । नेपाल पहिलो खेलमा नेदरल्यान्डसँग पराजित भएको थियो भने श्रीलङ्काविरुद्धको दोस्रो खेल वर्षाका कारण रद्द हुँदा दुवै टोलीले १–१ अङ्क बाँडेका थिए ।

पराजित भएसँगै नेपालको सुपर–८ सम्भावना सकिएको छ । नेपालले अब आफ्नो अन्तिम खेल सोमबार बंगलादेशविरुद्ध खेल्नेछ । 


 

जेठ २, २०८१

इंडियन प्रिमियर लिग (आईपीएल)क्रिकेटमा लखनऊ सुपर जाएन्ट्स दिल्ली क्यापिटल्ससँग पराजित भएको छ । दिल्लीको घरेलु मैदानमा सोमबार राति सम्पन्न खेलमा दिल्ली १९ रनले विजयी भएको हो । दिल्लीले दिएको २०९ रनको लक्ष्य पछ्य...

जेठ १५, २०८१

सरकारले विराटनगरको गिरिजाप्रसाद कोइराला क्रिकेट रंगशालालाई राष्ट्रिय गौरवको आयोजनाका रुपमा विकास गर्ने भएको छ ।  मंगलवार संसदमा आर्थिक वर्ष २०८१–८२ को बजेट प्रस्तुत गर्दै अर्थमन्त्री वर्षमान पुनले ...

बैशाख २७, २०८१

खेल र पर्यटन क्षेत्रलाई सँगसँगै अगाडि बढाउन सोलुखुम्बुको माप्य दूधकोशी गाउँपालिका–५ स्थित महभिरमा अन्तर्राष्ट्रियस्तरको ‘रक क्लाइम्बिङ’ प्रतियोगिता हुने भएको छ ।   साहसिक खेल ‘रक क्...

कात्तिक २१, २०८०

चितवनको भरतपुरस्थित गौतमबुद्ध अन्तर्राष्ट्रिय क्रिकेट रंगशाला बागमती प्रदेश सरकार र भरतपुर महानगरपालिकाले मिलेर बनाउने सहमति गरेका छन् । प्रदेशको ७० प्रतिशत र महानगरको ३० प्रतिशत लगानीमा बनाउने सहमति भएको हो ।...

जेठ ११, २०८१

इण्डियन प्रिमियर लिग (आइपीएल)को दोस्रो क्वालिफायरको खेल आज हुँदै छ । चेन्नईमा राति ७: ४५ बजेदेखि शुरू हुने दोस्रो क्वालिफायरमा सनराइजर्स हैदरावाद र राजस्थान रोयल्स भिड्दै छन् ।  राजस्थान इलिमिनेटरमा रोय...

जेठ १६, २०८१

क्रिकेटर सन्दीप लामिछानेलाई भिसा दिन दबाबका लागि महाराजगञ्जस्थित अमेरिकी राजदूतावास घेर्न गएका युवा बालुवाटारमै धर्नामा बसेका छन् । दूतावासतिर जानबाट प्रहरीले रोकेपछि उनीहरू प्रधानमन्त्रीनिवास बाहिरै ध...

भगवान् भेटिने सूत्र

भगवान् भेटिने सूत्र

असार २९, २०८१

भगवान्‌का कुरा गर्ने धेरै छन् तर भगवान् कस्ता हुन्छन् त्यो भने कसैलाई पनि थाहा छैन । भगवान् कस्ता हुन्छन् भनेर सोध्ने हो भने शायद सबै निरुत्तर नै रहने छन् । हदैभए भगवान् भगवान्जस्तै हुन्छन् भन्नेसम्म फेला पर्ला...

देश पहिले, अनि मात्र सत्ता

देश पहिले, अनि मात्र सत्ता

असार २७, २०८१

बेलायतमा भर्खरै सम्पन्न संसदीय निर्वाचनमा १४ वर्षपछि लेबर पार्टीले तल्लो सदन अर्थात्  'हाउस अफ कमन्स्'मा प्रचण्ड बहुमत हासिल गर्‍यो । ६५० सदस्यीय तल्लो सदनमा लेबर पार्टीले करिब ६३ प्रतिशत अर्थात् ४१२ ...

प्रतिपक्षमा हुत्तिने भएपछि माओवादीमा देखिएको छटपटी र आत्मरति

प्रतिपक्षमा हुत्तिने भएपछि माओवादीमा देखिएको छटपटी र आत्मरति

असार २६, २०८१

प्रमुख सत्ता साझेदार नेकपा (एमाले)ले साथ छोडेपछि प्रधानमन्त्री पुष्पकमल दाहाल ‘प्रचण्ड’ले दुई दिनपछि (असार २८) प्रतिनिधि सभामा विश्वासको मतको सामना गर्दैछन् । ‘विश्वासको मत नपाउने जान्दाजा...

x