२१ असार २०८३, आइतबार
नेपाल स्टक एक्सचेन्ज (नेप्से) मा झिनो अंकको करेक्सन देखिएको छ ।
साताको अन्तिम कारोबार दिन बिहीबार नेप्से परिसूचक ५.२९ अंकले घटेर बजारमा करेक्सन देखिएको हो ।
बिहीबार तीव्र उतारचढाव देखिएको शेयर बजारले २९ महिनापछि २८०० बिन्दुलाई समेत पार गरेको थियो । अन्तिमसम्म आइपुग्दा नेप्से २७५५.६२ को बिन्दुमा कायम रहेर बन्द भएको छ ।
अघिल्लो दिन बुधवार ६४ अंकले बढेको शेयर बजारमा हालसम्मकै उच्च २१ अर्ब ७१ करोड रुपैयाँको कारोबार भएको थियो ।
बिहीबार त्यसकै हाराहारीमा २१ अर्ब ७१ करोड ३४ लाख ३१ हजार रुपैयाँको कारोबार भएको छ ।
५ करोड १३ लाख २१ हजार ६२९ कित्ता शेयरको खरिदबिक्री हुँदा आधादर्जन कम्पनीको शेयर सर्किट लेभलमा कारोबार भएको छ ।
हाइड्रो इलेक्ट्रिक इन्भेस्टमेन्ट एन्ड डेभलपमेन्ट कम्पनी, नेपाल हाइड्रो डेभलपर्स, शुभम् पावर लिमिटेड, सिटी होटल्स, कुथेली बुखारी स्मल हाइड्रोपावर र प्रोग्रेसिभ फाइनान्स लिमिटेडको शेयर सकारात्मक सर्किट लेभलमा कारोबार भएको हो ।
कारोबारका आधारमा हिमालयन रिइन्स्योरेन्स लिमिटेड ५९ करोड ७५ लाख ९९ हजार रुपैयाँका साथ शीर्ष स्थानमा रहेको छ ।
