२९ असार २०८३, सोमबार
माछापुच्छ्रे बैंक लिमिटेडले कैलालीको नवदुर्गा माध्यमिक विद्यालयमा खानेपानी पूर्वाधार निर्माण गरेको छ ।
आफ्नो संस्थागत सामाजिक उत्तरदायित्वअन्तर्गत सुदूरपश्चिम प्रदेशको उक्त विद्यालयमा खानेपानी सेवाको लागि आवश्यक पूर्वाधार निर्माण गरी हस्तान्तरण गरिएको बैंकले जनाएको छ ।
यही साउन १८ गते शुक्रबारका दिन एक औपचारिक कार्यक्रमका बीच बैंकले निर्माण गरेको पूर्वाधारहरू विद्यालय व्यवस्थापन समिति एवं विद्यालय प्रशासनलाई हस्तान्तरण गरेको हो ।
विद्यालयमा खानेपानीको असुविधा हुँदा पठनपाठनमा समेत समस्या रहेको जानकारीपछि बैंकले विद्यालयको अवस्था अवलोकन गरेको थियो ।
त्यसपछि पूर्वाधारहरू निर्माण गरिएको हो ।
बैंकले आफ्नो संस्थागत सामाजिक उत्तरदायित्वअन्तर्गत देशका विभिन्न स्थानहरूमा विभिन्न संघ-संस्थाहरूसँग मिलेर स्वास्थ्य, शिक्षा, पूर्वाधार निर्माण, वित्तीय साक्षरता, दिगो विकास लगायतका क्षेत्रहरूमा काम गर्दै आइरहेको छ ।
