१० साउन २०८३, आइतबार
नेशनल लाइफ इन्स्योरेन्स कम्पनी लिमिटेडको ३६ औं वार्षिक साधारणसभा सम्पन्न भएको छ ।
कम्पनीकी अध्यक्ष प्रेमा सिंहको अध्यक्षतामा यही भदौ ७ गते वार्षिक साधारणसभा सम्पन्न भएको कम्पनीले जनाएको छ ।
सभामा अध्यक्ष सिंहले समीक्षा वर्ष २०७९/०८० मा राष्ट्रिय तथा अन्तर्राष्ट्रिय आर्थिक परिदृष्यहरू धेरै उत्साहप्रद नरहेको बताएकी थिइन् । अहिले विश्व अर्थतन्त्र सुधार उन्मुख भए पनि चुनौतीपूर्ण रहेको उनको भनाइ थियो ।
बढ्दो ब्याजदरको कारणले लगानीमा प्रतिकूल प्रभाव पारी पूँजीगत खर्च एवं समग्र मागमा आएको कमीले स्वदेशी अर्थ व्यवस्थामा प्रतिकूल प्रभाव परेको उनले बताइन् ।
आर्थिक वर्ष २०७९/०८० मा जीवन बीमा व्यवसाय आशातीत रूपमा विस्तार हुन नसकेको भएता पनि आव २०८०/०८१ मा जीवन बीमा व्यवसायले सुधारको बाटो तय गरेको उनले बताइन् ।
आव २०७९/०८० मा कम्पनीको सबै वित्तीय सूचकाङ्कहरू उत्साहप्रद रहेको छ । कम्पनीको कुल बीमा शुल्क १६.६६ प्रतिशतले वृद्धि भई रु.१,६८०.९० करोड पुगेको छ ।
कम्पनीले व्यावसायिक लक्ष्य र संस्थागत सामाजिक उत्तरदायित्व बीचको सन्तुलनलाई निरन्तरता दिई नियमनकारी निकायको निर्देशनअनुसार खुद नाफाको १ प्रतिशतले रु ९७,३३,१५०/– बराबर रकम सामाजिक उत्तरदायित्व जगेडामा स्थानान्तर गर्न सफल भएको छ ।
