जुगल हिमालको फेदमा रहेको सिन्धुपाल्चोकको पाँचपोखरी पर्यटकहरूका लागि आकर्षक गन्तव्य हो । 

हिमालयको फेदमा पाँच वटा पोखरीहरूको सुन्दर कुण्ड नै पाँच पोखरी हो । 

४ हजार २ सय मिटरको उचाइमा रहेको पाँचपोखरीको मनमोहक दृश्यले पर्यटकहरूलाई तान्ने गर्दछ । 

त्यसैमा झन् पाँचपोखरीसँगै हिमालहरूको सुन्दर दृश्यले सुनमा सुगन्ध थप्ने काम गरेको अनुभव हुन्छ । 

पाँच वटा पोखरीहरूको नामबाट परिचित यो ठाउँमा पुग्न काठमाडौंबाट ४ देखि ५ दिनमा घुमेर फिर्ता हुन सकिन्छ।​

धार्मिक, सांस्कृतिक तथा प्राकृतिक सम्पदाले भरिपूर्ण ‘पाँच पोखरी’मा भैरव कुण्ड, सरस्वती कुण्ड, सूर्य कुण्ड, गणेश कुण्ड र नाग कुण्ड गरी पाँच कुण्डहरू छन् । 

इन्द्रावती नदीको उद्गमस्थल पनि पाँच पोखरी नै हो ।