काठमाडौंको भृकुटीमण्डपमा १०औं नेपाल बिल्डकन अन्तर्राष्ट्रिय प्रदर्शनी शुरू भएको छ । निर्माण सम्बन्धी उद्योग, कम्पनी, डिलर तथा सब डिलर र बिक्रेताहरूको निर्माण व्यवसायसँग सम्बन्धित उत्पादनको प्रदर्शनी बिहीबारदेखि शुरू भएको हो । 

फागुन ११ गतेसम्म सञ्चालन हुने यस अन्तर्राष्ट्रिय प्रदर्शनीमा विभिन्न देशका ३ सय भन्दा बढी कम्पनीका १५० बढी स्टल रहनेछन् । जसमा ६० प्रतिशतभन्दा बढी नेपालकै उत्पादक रहेका छन् ।

अन्तर्राष्ट्रिय प्रदर्शनीमा कन्स्ट्रक्सन मेटेरियल्स, कन्स्ट्रक्सन मेसिनरी, प्रिफ्याब स्ट्रक्चर, यूपीभीसी विन्डोज मेसिनरी, यूपीभीसी प्रोफाइल, डोर्स एण्ड विन्डोज, आर्किटेक्चर हार्डवेयर,बाथरुम फिटिङ्स, पाइप, टायल्स एण्ड स्यानिटरी वायर, रफिङ, प्रिइन्जिनियरिङ बिल्डिङ, पावर टुल्स र विन्डोज लगायतका सामाग्री रहनेछन् ।

प्रदर्शनी बिहान १० बजेदेखि बेलुका ६ बजेसम्म सञ्चालनमा रहनेछ । जहाँ निःशुल्क प्रवेशको व्यवस्था गरिएको छ । आयोजकका अनुसार प्रदर्शनीको ४ दिनमा ४५ हजार जनाले अवलोकन गर्ने अपेक्षा लिइएको छ । 

पञ्चकन्या
पञ्चकन्या ग्रुपले यूपीभीसी र बाथवेयरका उत्पादन प्रदर्शनीमा राखेको छ । नेपालको चर्चित र अब्बल व्यावसायिक घराना पञ्चकन्या ग्रुपले प्रदर्शनीमा आफ्नो उपस्थिति देखाएको हो । नेपाली बजारमा गुणस्तरीय सामग्री उत्पादकको रूपमा उदाएको पञ्चकन्या बाथवेयरमा पनि देखिएको छ ।

पञ्चकन्या ग्रुप अन्तर्गतको ‘पञ्चकन्या बाथवेयर’मा बाथरुममा प्रयोग हुने धारा, सावर, पाइप लगायत सामाग्री रहेको पञ्चकन्या बाथवेयरका सेल्स अफिसर जयेश माझीले बताए ।  नेपालमै उत्पादन भएका उच्च गुणस्तरका धारा, सावर, पाइप लगायत सम्पूर्ण सामाग्रीहरू एकै ठाउँमा पाउन सकिने उनले बताए । 

बाथवेयरमा १८ प्रकारका धाराहरू देख्न सकिन्छ भने, २५० लिटरदेखि १० हजार लिटरसम्मको पानी ट्याङ्की पनि उपलब्ध छ । 

पञ्चकन्याकै अर्को उत्पादन यूपीभीसी पनि पर्दशनीमा देखाइएको छ । पञ्चकन्याले डिमेक्स यूपीभीसीका उत्पादनमा २० वर्षको वारेन्टीसम्म प्रदान गरिरहेको छ । पञ्चकन्याका झ्यालसम्बन्धी सामग्री पूर्ण रूपमा जर्मन प्रविधिमा आधारित रहेको पञ्चकन्याका सिनियर सेल्स हेड सोनु शाहले बताए ।

शाहका अनुसार काठमाडौंको पेप्सीकोलामा यूपीभीसीका सम्पूर्ण सामाग्री प्राप्त गर्न सकिन्छ । झ्याल सम्बन्धी सम्पूर्ण सामाग्री पञ्चकन्याको डिमेक्समा यूपीभीमा उपलब्ध छन् ।

प्रिमियर
प्रर्दशनीमा शाराडा ग्रुपले सञ्चालन गरिरहेको प्रिमियर वायर्सको पनि बलियो उपस्थित रहेको छ । प्रिमियरका जीआई वायर, ग्याभिन बक्स, एसीएसआर कन्डक्टर, पीभीसी केबल, स्टिल वायर, कपर र केबल पर्दशनीमा देखिएका छन् । 

वायरका साथै प्रिमियर देशकै पहिलो ८ एमएमदेखि ३६ एमएमसम्मका स्टिल उत्पादन गर्ने कम्पनीका रूपमा रहेको छ । ३६ वर्षभन्दा पुरानो स्टिलजन्य उत्पादनको अनुभव बोकेको प्रिमियर स्टिलका देशभर २०० भन्दा बढी आउटलेट छन् ।

निर्माण क्षेत्रमा आएका नयाँ नयाँ प्रविधिको बारेमा जानकारी गराउने उद्देश्यले प्रदर्शनी गरिएको मिडिया स्पेस सोलुसन्स प्रालिका प्रबन्ध निर्देशक सिर्जल भट्टराईले बताए ।

मिडिया स्पेस सोलुसन्स र फ्युचरएक्स ट्रेड फेयर एण्ड इभेन्ट्स प्रालिले संयुक्त रूपमा आयोजना गरेको प्रदर्शनीमा निर्माण व्यवसायसँग सम्बन्धित उत्पादन र नवीनतम प्रविधि प्रमुख आकर्षण हुने विश्वास लिएको भट्टराईले बताए ।

‘बिहीबारदेखि शुरू भएको नेपाल बिल्डकन इन्टरनेशनल एक्स्पोको १०औं संस्करण फागुन ११ गतेसम्म काठमाडौंको भृकुटीमण्डपमा सञ्चालन हुँदैछ । यो बिहान १० बजेदेखि बेलुका ६ बजेसम्म हुनेछ । यसमा प्रवेश निःशुल्क रहेको छ । मेलामा बिल्डिङ कन्स्ट्रक्सन सम्बन्धित सबै कुरा हुनेछन्’, भट्टराई ले भने, ‘१०औं संस्करणमा हामीसँग १५० वटा कम्पनीको सहभागिता रहेको छ । ३ सय भन्दा बढी ब्रान्ड प्रदर्शनीमा हुनेछन् ।’

कन्ट्याक्टर्स, बिल्डर्स, आर्किटेक्ट, इन्जिनियर, इन्टेरियर डिजाइनर लगायत यो क्षेत्रमा काम गरिरहेका डिस्ट्रिब्युटर्स, डिलर्स र घर बनाइरहेका आम नागरिक लक्षित रहेको उनले बताए । ४ दिनमा ४० देखि ४५ हजार जनाले यसको अवलोकन गर्ने अपेक्षा गरिएको भट्टराईले बताए । 

बृज 
केडिया व्यावसायिक समूह अन्तर्गतको बृज एडिटिभ्सले पनि आफ्ना उत्पादन पर्दशनीमा राखेको छ । बृज एडिटिभ्सका वाटरप्रुफिङ्, रिपेयर तथा एडमिक्सर सोलुसन्सहरू प्रदर्शनीमा छन्  । 

घरलाई पानीले पुर्‍याउने क्षतिबाट बचाउन वाटरप्रुफिङका लागि वेदर प्रो प्लस २५० र बृज सेफक्रेट रहेको बृजका दिवाश केसीले बताए । केसीका अनुसार बृजका उत्पादनले निर्माणलाई मजबुत र दीगोपन प्रदान गर्न पिलर, बीम, स्ल्याब र स्टिललाई खिया आदिबाट जोगाउँछ । 

बृज एडिटिभ्सका सिल्कन फ्लोमिक्स पीसी ३५०, पीसी ५५० र अल्ट्रसेन १०० लगायतका समाग्री उपलब्ध रहेका छन् । 

प्रदर्शनीले नेपालमा उत्पादन भइरहेका सामग्री र प्रविधिलाई पनि अन्तर्राष्ट्रिय बजारसम्म लैजान सहयोग पुग्ने विश्वास आयोजकको छ । प्रदर्शनीमा निर्माण क्षेत्रमा काम गरिरहेका नेपालका आर्किटेक्ट, इन्जिनियर, कन्ट्रयाक्टर, विल्डर, इन्टेरियर डिजाइनरहरूको सहभागिता रहेको छ । निजी घर बनाउन चाहने, व्यापारिक कम्प्लेक्स, व्यावसायिक भवन बनाउने व्यक्ति तथा संस्थाका साथै आम नागरिकको पनि सहभागिता रहनेछ ।

प्रदर्शनीको शीर्ष प्रायोजक लुम्बिनी सेरामिक्स (लामिनार टायल्स) रहेको छ भने पावर्ड बाई प्रायोजकमा फ्लाईबर्ड र सह प्रायोजकमा पर्ल प्रेसिजन रहेका छन् । सहयोगी संस्थामा नेपाल निर्माण व्यवसायी महासंघ, सोसाइटी अफ कन्सल्टिङ आर्किटेक्चरल एण्ड इन्जिनियरिङ फर्म्स, सोसाइटी अफ नेप्लीज आर्किटेक्ट्स तथा इन्टेरियर डिजाइनर्स एसोसिएसन अफ नेपाल छन् ।