०३ साउन २०८३, आइतबार
तीव्र उतारचढावपछि नेपाल स्टक एक्सचेन्ज(नेप्से) सामान्य अङ्कले बढेको छ ।
सोमबार नेप्से परिसूचक ३.३५ अङ्कले बढेर २७५८.७५ को विन्दुमा कायम भएको हो ।
यस दिन बजारमा २ करोड ११ लाख १० हजार ६१९ कित्ता शेयरको खरिद बिक्री हुँदा ११ अर्ब ८ करोड ५४ लाख ६४ हजार रुपैयाँको कारोबार भएको छ ।
अघिल्लो कारोबारका दिन आइतबार मात्रै ११.६६ अङ्कले बढेको नेप्से २७५५.४० को विन्दुमा बन्द भएको थियो ।
आज गुराँस माइक्रो लाइफ इन्स्योरेन्सका लगानीकर्ताहरूले सर्वाधिक नाफा कमाएका छन् ।
विन नेपाल लघुवित्त वित्तीय संस्थाका लगानीकर्ताहरूले सर्वाधिक गुमाएका छन् । आज यस लघुवित्तको शेयर मूल्य १० प्रतिशतले घटेको छ ।
कारोबारका आधारमा हिमालयन रिइन्स्योरेन्स ८९ करोड ३५ लाख ३८ हजार रुपैयाँको कारोबार सहित शीर्ष स्थानमा रहेको छ ।
