०१ साउन २०८३, शुक्रबार
नबिल बैंकको प्रमुख कार्यकारी अधिकृत (सीईओ)मा मनोज ज्ञवाली नियुक्त भएका छन् । बिहीबार बैंकको सञ्चालक समिति बैठकले ज्ञवालीलाई सीईओ नियुक्त गर्ने निर्णय गरेको हो ।
ज्ञवालीलाई आजदेखि नै लागु हुनेगरी ४ वर्षको लागि सीईओ नियुक्त गरिएको बैंकले जनाएको छ । यसअघि उनी बैंकको कामु सीइओको रूपमा थिए ।
चार्टर्ड एकाउन्टेन्ट ज्ञवाली २०७७ जेठमा नायव महाप्रबन्धकको रूपमा बैंक प्रवेश गरेका थिए । त्यसपछि महाप्रबन्धक, डेपुटी सीईओ, सिनियर डेपुटी सीईओ हुँदै कामु सिईओ भएका थिए ।
