हिमालयन बैंक लिमिटेडले काठमाडौं महानगरपालिका वडा नम्बर २७, ठमेलस्थित सञ्चय कोष भवनमा नयाँ शाखा सञ्चालनमा ल्याएको छ ।

नजिक भएका शाखा सञ्जालहरू मध्ये न्युरोड शाखालाई स्थानान्तरण गरी जेठ २५ गतेबाट ठमेलमा सञ्चालनमा ल्याइएको हो ।

प्रेस तथा जनसम्पर्क अधिकृत शीतल कोइरालाका अनुसार उक्त शाखाको बैंकका प्रमुख कार्यकारी अधिकृत  अशोकशम्शेर राणाले अन्य उच्चपदस्थ कर्मचारीहरू तथा अतिथिहरूको उपस्थितिमा शुभारम्भ गरेका हुन् ।

हाल बैंकले नेपालभरि फैलिएका १७४ शाखा कार्यालय, २० विस्तारित काउन्टर, २८६ एटीएम, ८ हजारभन्दा बढी एओएस टर्मिनल्स र १५ हजारभन्दा बढी विप्रेषण भुक्तानी केन्द्रबाट आफ्ना ग्राहकलाई विभिन्न बैंकिङ सेवा प्रदान गर्दै आएको छ ।