०५ साउन २०८३, मंगलबार
उपप्रधान एवं अर्थमन्त्री विष्णुप्रसाद पौडेल र उद्योग वाणिज्य तथा अपूर्तिमन्त्री दामोदर भण्डारीबीच छलफल भएको छ ।
उनीहरूबीच शुक्रबार दिउँसो अर्थ मन्त्रालयमा धौबादी फलाम खानी सञ्चालनलगायतका विषयमा छलफल भएको हो ।
नवलपुरको हुप्सेकोट, बुलिङटार र बौद्ध कालिका गाउँपालिकामा रहेको धौबादी फलाम खानीलाई सञ्चालनका लागि आवश्यक काम अगाडि बढाउनेलगायतका विषयमा छलफल भएको हो । यसका साथै दैलेखको पेट्रोलियमलगायतका विषयमा पनि छलफल भएको छ ।
छलफलमा अर्थमन्त्री पौडेलले खानी तथा भूगर्भ विभागअन्तर्गतका प्रोजेक्टहरूलाई जति सक्दो चाँडो सञ्चालनमा ल्याउनुपर्नेमा जोड दिए ।
