३१ असार २०८३, बुधबार
यूएईको मरुभूमि क्षेत्रको तापक्रम ५१.८ डिग्री पुगेको छ, जुन २०२१ पछिको उच्चतम हो । राष्ट्रिय मौसम विज्ञान केन्द्र (एनसीएम)का अनुसार, अगस्टको शुरूमै यूएईमा तापक्रम रेकर्ड स्तरमा पुगेको हो ।
जुन र जुलाईमा भित्री क्षेत्रहरूमा तापक्रम हरेक दिन ५० डिग्री सेल्सियसभन्दा माथि पुग्ने गरेको थियो, जबकि दुबई र अबुधाबीजस्ता समुद्री शहरहरूमा तापक्रम ४५ डिग्रीको आसपास थियो । जुलाई २००२ मा स्वेहानमा अहिलेसम्मकै उच्चतम तापक्रम ५२.१ डिग्री रेकर्ड गरिएको थियो ।
एनसीएमले गर्मीको बाँकी समय पनि सामान्यभन्दा तातो हुने र अगस्टमा तापक्रम औसतभन्दा ०.२५ देखि ०.५ डिग्री सेल्सियस बढी हुने भविष्यवाणी गरेको छ। मानिसहरूलाई घाममा कम समय बिताउन र दिउँसो बाहिर ननिस्कन सल्लाह दिइएको छ ।
