चीनले मंगलबार ‘लिजियन–१ वाई १०’ नामक प्रक्षेपण यान प्रयोग गरी सातवटा उपग्रह पृथ्वीको कक्षमा सफलतापूर्वक प्रक्षेपण गरेको छ । देशको उत्तर–पश्चिमी भूभागमा अवस्थित एक व्यावसायिक अन्तरिक्ष प्रविधि क्षेत्रबाट दिउँसो ठीक ३ बजेर ३३ मिनेटमा सो यान प्रक्षेपण गरिएको थियो ।

चीनको आफ्नै प्रविधिमा विकसित लिजियन–१ वाई १० यान एक ठूला भार बोक्न सक्ने ठोस इन्धनयुक्त प्रक्षेपण यान हो, जसले एकैपटक धेरै उपग्रहलाई पृथ्वीको निचो कक्षमा पठाउने क्षमता राख्दछ । यसपटकको प्रक्षेपणबाट सातवटा फरक–फरक उद्देश्यका उपग्रहहरू कक्षमा पठाइएको छ, जसमा वातावरणीय अनुगमन, संचार, वैज्ञानिक परीक्षण तथा अन्य अनुसन्धानसम्बन्धी कार्यहरू समावेश छन् ।

चिनियाँ अधिकारीहरूका अनुसार सबै उपग्रहहरू निर्धारित कक्षमा सुरक्षित रूपमा पु¥याइएको छ । प्रक्षेपणपछि यानको सबै चरणहरू योजनाबद्ध ढंगले कार्यान्वयन भएको र मिशन पूर्ण रूपमा सफल भएको पुष्टि गरिएको छ ।

लिजियन–१ यान चीनको निजी क्षेत्रबाट प्रवद्र्धन गरिएको पहिलो आधुनिक यानमध्ये पर्दछ । यसले चीनको अन्तरिक्ष अनुसन्धान तथा व्यावसायिक उपग्रह प्रक्षेपण क्षमतामा उल्लेखनीय योगदान पु¥याएको मानिन्छ ।

चीनले हालका वर्षहरूमा आफ्नै प्रविधिमा आधारित यानहरू निर्माण गर्दै प्रक्षेपणलाई नियमित र आत्मनिर्भर बनाउँदै लगेको छ । यसले चीनलाई अन्तरिक्ष प्रविधिको क्षेत्रमा विश्वस्तरमा अग्रपंक्तिमा उभ्याउने विश्वास गरिएको छ ।