एमजी मोटरको साइबर एक्स गामी दुई वर्षभित्र कम्प्याक्ट, बक्सी, परिवारमैत्री इलेक्ट्रिक एसयूभीमा परिणत हुन तयार भएको जानकारी गराइएको छ । 

यो  एसयूभी पहिलोपटक शांघाई अटो शोमा बोल्ड कन्सेप्टको रूपमा देखाइएको थियो र यसले एङ्गुलर डिजाइन, व्यावहारिकता र बजेटमैत्री पहुँचलाई एकसाथ मिश्रित गर्ने कम्पनीले जनाएको छ ।

उत्पादन-तयारी साइबर एक्समा पाँच वटा ढोकाको लेआउट र बक्सी डिजाइन हुनेछ, जसको स्ट्यान्स मर्सिडिज ईक्यूबीजस्ता प्रिमियम एसयूभीलाई झल्काउनेछ ।

एमजीको यूके प्रोडक्ट र प्लानिङ बस, डेविड एलिसनले यसलाई ‘सुजुकी जिम्नीको आध्यात्मिक उत्तराधिकारी’ भनी वर्णन गरेका छन्, जसले शहरी ड्राइभिङका लागि उपयुक्त आकार र हल्का अफ-रोड प्रेरित डिजाइनमा तयार भएको छ।

प्रिमियम डिजाइन

यो मोडलले कन्सेप्टको बक्सी र एङ्गुलर डिजाइन कायम राख्नेछ । कारमा पप-अप हेडलाइटहरूको सट्टा परम्परागत हेडलाइट राखिनेछ र कन्सेप्टका अतिरिक्त सुविधाहरू जस्तै प्यानोरामिक रूफलाई आकर्षक इन्टिरियरले प्रतिस्थापन गर्नेछ । 

क्याबिन आधुनिक र मिनिमल शैलीमा तयार हुनेछ, ठूलो सेन्ट्रल टचस्क्रिन, फुल्ली डिजिटल इन्स्ट्रुमेन्ट क्लस्टर र परिवारको लागि पर्याप्त हेडरूम र लेगरूम उपलब्ध हुनेछ ।

ब्याट्री र प्रदर्शन

नेपालका लागि विशेष विवरणहरू अझै घोषणा गरिएको छैन, तर साइबर एक्समा एमजीको  नयाँ ब्याट्री र मोटर प्रविधिहरू, जसमध्ये सेमी-सोलिड-स्टेट ब्याट्री प्रयोग हुने अपेक्षा गरिएको छ । 

ब्याट्रीको छनोट र चालकको कुशलता अनुसार अनुमानित रेन्ज करिब करिब ४८२ सम्म हुनेछ । अधिकांश मोडलमा सिंगल-मोटर फ्रन्ट-व्हील-ड्राइभ लेआउट हुनेछ, हायर स्पेक्स् मोडलमा अल-व्हील ड्राइभ उपलब्ध हुन सक्छ । गाडीको बढेको हाइट र हल्का अफ-रोड डिजाइनले व्यवहारिकता र शैलीलाई सन्तुलनमा राख्नेछ ।

बजेटमैत्री

विश्वव्यापी प्रारम्भिक मूल्य अनुमान £30,000 भन्दा कम मूल्यमा एमजीले साइबर एक्सलाई पहुँचयोग्य ईभी विकल्पको रूपमा प्रस्तुत गर्न चाहेको छ । सानो एसयूभी खोजिरहेका र आधुनिक ईभी प्रविधि र शहरी प्रयोगमा व्यावहारिकता चाहने ग्राहकलक्षित यो गाडी अत्यन्तै उपयोगी हुने कम्पनीको दाबी छ ।

एमजी मोटरको बारेमा

एमजी मोटर, एसएआईसी मोटर कर्पोरेसनद्वारा स्वामित्व भएको विश्वव्यापी भएको ब्रिटिश ब्रान्डले रूपमा स्टाइलिश, प्रविधिमा उन्नत र पहुँचयोग्य सवारी साधन उत्पादन गर्दै आइरहेको छ ।

पेट्रोल र हाइब्रिड कारदेखि लिएर फुल्ली इलेक्ट्रिक मोडलसम्म दिगो र मोबिलिटीमा एमजीले निरन्तर नविनतम सुविधा प्रदान गरिरहेको छ ।