११ साउन २०८३, सोमबार
मुग्लिन–नारायणगढ सडक खण्डअन्तर्गत सिमलताल नजिकै आज बिहान खसेको पहिरोका कारण केही समय अवरुद्ध बनेको यातायात सेवा अहिले पूर्ण रूपमा सुचारु भएको छ।
सोमबार बिहान करिब ६ बजेको समयमा सिमलताल नजिकै पहिरो खस्दा सडक खण्डमा दुवैतर्फको सवारी आवागमन पूर्ण रूपमा बन्द भएको थियो । सडक अवरुद्ध भएपछि बिहानैदेखि यात्रामा निस्किएका यात्रुहरू बाटोमै अलपत्र परेका थिए।
सडक डिभिजन भरतपुरका अनुसार डिभिजन कार्यालयको मेसिन तथा जनशक्ति प्रयोग गरी खसेको पहिरो पन्छ्याएको हो । निरन्तरको प्रयासपछि पहिरो पूर्ण रूपमा हटाइएको र बिहान ६:३० बजेदेखि नै सडक आवागमन पुनः सुचारु भइसकेको सडक डिभिजनले जनाएको छ ।
