भाद्र २३ र २४ गते काठमाडौंमा भएको जेनजी आन्दोलनपछि प्रमुख राजनीतिक दलका कार्यालयमा समेत आगनजी र तोडफोड गरियो । आन्दोलनकारीहरूले तीन ठूला राजनीतिक दलका मुख्यालयमा तोडफोडसँगै आगजनी गरे । 

सानेपास्थित नेपाली कांग्रेसको मुख्यालय, च्यासलस्थित नेकपा एमालेको केन्द्रीय कार्यालय र पेरिसडाँडास्थित नेकपा माओवादी केन्द्रको केन्द्रीय कार्यालय पनि उनीहरूले तोडफोड र आगजनी गरे । 

सोमबार एमालेका महासचिव शंखर पोखरेल र उपमहासचिव प्रदीप ज्ञवालीलगायत नेताहरू पार्टी मुख्यालयमा पुगी कम्युनिस्ट पार्टीको झन्डा राखेका थिए । कांग्रेस कार्यालयमा पनि नयाँ ब्यानर राखिएको छ ।