जिल्ला प्रहरी परिसर भक्तपुरले फरार रहेका २० जना कैदीबन्दीलाई पक्राउ गरेको छ ।

गत भदौ २४ गतेको जेनजी आन्दोलनका क्रममा विभिन्न कारागारबाट भागेका उनीहरूलाई पक्राउ गरिएको जिल्ला प्रहरी परिसर भक्तपुरका सूचना अधिकारी, डीएसपी ढुण्डीराज नेउपानेले बताए ।

उनका अनुसार एक महिला र १९ पुरुष कैदीबन्दीलाई पक्राउ गरिएको हो । उनीहरूलाई केन्द्रीय कारागार कार्यालय, जगन्नाथदेवल काठमाडौंमा बुझाइएको डीएसपी नेउपानेले जानकारी दिए ।