०५ साउन २०८३, मंगलबार
आईसीसी क्रिकेट विश्वकप लिग–२ शृंखलाअन्तर्गत बिहीबार जारी आयोजक राष्ट्र संयुक्त अरब इमिरेट्स (यूएई) विरुद्धको खेलमा नेपाली टोलीले आफ्नो चौथो विकेट गुमाएको छ ।
नेपाली टोलीले चौथो विकेटका रूपमा आरिफ शेखलाई गुमाएको हो । उनी ४२ बलमा दुई चौकाको मद्दतले २७ रन बनाउँदै पेभेलियन फर्किएका हुन् । उनी जुनैद सिद्दकीको बलमा बोल्ड भए ।
३३ औं ओभरको चौथो बलमा आरिफ आउट हुँदा नेपालले एक सय ३१ रन बनाएको छ ।
कप्तान रोहित पौडेल ५४ रन बनाउँदै अविजित छन् । रोहित र आरिफ शेखले ७० रनको साझेदारी गरे ।
दुबईस्थित आईसीसी एकेडेमी ग्राउन्डमा नेपालले टस जिती पहिले ब्याटिङको निर्णय लिएको हो ।
