०८ साउन २०८३, शुक्रबार
संयुक्त अरब इमिरेट्स (यूएई) मा जारी आईसीसी क्रिकेट विश्वकप लिग–२ अन्तर्गत शनिबार खेलिएको अमेरिकाविरुद्धको खेलमा नेपालले आफ्नो चौथो विकेट गुमाएको छ ।
नेपालले चौथो विकेटका रूपमा आरिफ शेखलाई गुमाएको हो । पाँचौं नम्बरमा क्रिज समाल्न आएका आरिफ आठ बलमा केवल दुई रन बनाउँदै आउट भएका हुन् ।
उनी पनि बाउन्ड्री प्रहार गर्ने धुनमा क्याच आउट भएका थिए । उनलाई सौरभ नेत्रभाल्करले नोस्थुश केन्जिगेद्वारा क्याच गराएका हुन् । २५औं ओभरको पहिलो बलमा आरिफ आउट हुँदा नेपालले एक सय ६ रन बनाएको छ ।
चौथो विकेट खसेपछि नेपाली ब्याट्सम्यान दबाबमा परेका छन् । दुबईस्थित आईसीसी एकेडेमी ग्राउन्डमा नेपालले टस हारी पहिले ब्याटिङको निम्तो पाएको हो ।
