०९ साउन २०८३, शनिबार
यस वर्षको नेपाल प्रिमियर लिग (एनपीएल)को विजेता टोली लुम्बिनी लायन्स ‘च्याम्पियन्स ट्रफी सेलिब्रेसन टुर’मा निस्केको छ ।
सोही क्रममा टोली सोमबार साँझ लुम्बिनी प्रदेशको एक मात्र हिमाली जिल्ला रुकुमपूर्व पुगेको छ ।
च्याम्पियन्स ट्रफी आफ्नो जिल्ला पुग्दा रुकुमपूर्वका खेलप्रेमीहरू निकै खुसी देखिएका थिए ।
रूकुमकोटमा लुम्बिनी लायन्सको टोली भव्य स्वागत भएको पत्रकार मनिष खड्काले जनाएका छन् ।
सिस्ने गाउँपालिका, जिल्ला प्रशासन कार्यालय, जिल्ला प्रहरी कार्यालय, नेपाली सेना, सशस्त्र प्रहरी, राष्ट्रिय अनुसन्धान, जिल्लास्थित कार्यालय, उद्योग वाणिज्य संघ, खेलकुद विकास समिति, पत्रकार, सम्पूर्ण खेलप्रेमी र जनप्रतिनिधिले भव्य स्वागत गरेको उनले बताएका छन् ।
सुदूरपश्चिम रोयल्सलाई फाइनलमा हराउँदै एनपीएलको ट्रफी जितेको लुम्बिनी लायन्स प्रदेशका बाह्रै जिल्लाको यात्रामा निस्किएको छ ।
बाँकेबाट शुरू भएको ट्रफी टुर बर्दिया, दाङपछि रुकुमपूर्व पुगेको हो । ट्रफी टुर यही पुस १६ गते बुटवलमा भव्य समापन गरिने बताइएको छ ।
सबै तस्वीर : पत्रकार मनिष खड्काको फेसबुकबाट ।
