ललितपुरमा पाँचौं मेयर कप आमन्त्रित जिल्लाव्यापी तेक्वान्दो प्रतियोगिता आयोजना हुने भएको छ । ​

​चुनिदेवी तेक्वान्दो डोजाङको आयोजनामा प्रतियोगिता हुन लागेको हो ।

प्रतियोगितामा ललितपुरभरिका २० भन्दा बढी डोजाङको सहभागिता रहने तथा ५०० भन्दा बढी खेलाडीले प्रतिस्पर्धा गर्ने आयोजक चुनिदेवी तेक्वान्दो डोजाङका प्रमुख शिवहरि बुढाथोकीले जानकारी दिए ।

प्रतियोगिता यही माघ २३ र २४ गते चुनिखेल फुटबल ग्राउण्डमा सञ्चालन हुने तय भएको छ । 

प्रतियोगिताका लागि आवश्यक सम्पूर्ण तयारी पूरा भइसकेको कार्यक्रम संयोजक अमन तुलाधरले लोकान्तरलाई बताए ।