कास्कीमा आज बिहीबार रातिदेखि नै मतगणना शुरू हुने भएको छ । 

मुख्य निर्वाचन अधिकृत हिमलाल बेलबासेका अनुसार मतगणनास्थलमा मतपेटिका आएपछि सर्वदलीय बैठक बस्नसाथ मतगणना शुरू गरिनेछ । 

पोखराका मुख्य बजारबाट मतदान सकिएलगत्तै मतपेटिका मतगणनास्थलमा पुर्‍याइसकिएको छ । 

कास्की क्षेत्र नम्बर २ को सबै स्थानबाट मतपेटिका आइसकेको छ । अब केहीबेरमा यस क्षेत्रको मतगणना शुरू गरिने भएको छ । 

यता, कास्की १ र ३ को भने मतपेटिका आउने क्रम जारी छ । करिब एक डेढ घण्टामा अन्य स्थानबाट पनि मतपेटिका पोखरा आइपुग्नेछन् ।

प्रारम्भिक संख्यामा कास्कीमा १ लाख ८९ हजार २६७ मत अर्थात् ६१ प्रतिशत मत खसेको छ ।