२९ असार २०८३, सोमबार
३४ वर्षपश्चात् डडेलधुरामा नेपाली कांग्रेसको विरासत ढलेको छ । शनिबार बेलुका सम्पन्न मतगणना अनुसार यहाँ राष्ट्रिय स्वतन्त्र पार्टीका उम्मेदवार विजयी भएका छन् ।
निर्वाचन आयोगको तथ्यांक अनुसार रास्वपा उम्मेदवार ताराप्रसाद जोशीले चुनाव जितेका छन् । उनले १९ हजार १३१ मत पाए । निकटतम् बनेका नेपाली कांग्रेसका उम्मेदवार नैनसिंह महरले १२ हजार १२१ मात्र मत पाए ।
डडेलधुरा नेपाली कांग्रेसका पूर्वसभापति शेरबहादुर देउवाको निर्वाचन क्षेत्र हो । यसपटक देउवाले चुनाव नलडेपछि यहाँ महरले चुनाव लडेका हुन् ।
देउवा २०४८ यताका कुनै पनि निर्वाचन यहाँबाट हारेका थिएनन् । उनले यहाँबाट सात पटक निर्वाचन जितेका थिए ।
निर्वाचन आयोगका अनुसार तेस्रो बनेका नेकपाका मानसिंह मालले ६ हजार ८३४ मत प्राप्त गर्दा नेकपा एमालेका चक्र प्रसाद स्नेहीले २ हजार ९२६ मत पाए ।
