२५ जेठ २०८३, सोमबार
पछिल्ला दुई निर्वाचनमा फराकिलो मतान्तरसहित विजयी भएका नेकपा एमालेका अध्यक्ष केपी शर्मा ओलीको शर्मनाक पराजय भएको छ ।
शनिबार साँझको अन्तिम नतिजामा ओली रास्वपाका बालेन शाहसँग फराकिलो मतान्तरसहित पराजित भएका हुन् ।
बालेन ६६ हजार ३ सय ४८ मत पाएर विजयी हुँदा ओलीले १७ हजार ७ सय ३४ मत पाए ।
०७९ सालको प्रतिनिधि सभा निर्वाचनमा ओली ५२ हजार ३ सय १९ मत पाएर विजयी भएका थिए ।
त्यो बेला निकटतम प्रतिद्वन्द्वी कांग्रेसका खगेन्द्र अधिकारीले २३ हजार ७ सय ४३ मत पाएका थिए ।
०७४ सालको चुनावमा ओलीले ५७ हजार १ सय ३९ मत पाएका थिए । त्यो बेला कांग्रेसका खगेन्द्र अधिकारीले २८ हजार २ सय ९७ मत पाएका थिए ।
२०६४ सालको चुनावमा तत्कालीन माओवादीका विश्वदीप लिङ्देनसँग पराजित भएका ओली त्यसपछिका निर्वाचनमा लगातार विजयी भएका थिए ।
४ पटक प्रधानमन्त्री भइसकेका ओलीले पहिलोपटक चुनावमा भिडेका शाहसँग लज्जास्पद पराजय व्यहोरेका छन् । ओली २०८२ भदौ २३–२४ गतेको आन्दोलनका कारण प्रधानमन्त्रीबाट विस्थापित हुन पुगेका थिए ।
यसपटकको चुनावमा सर्वाधिक मतान्तरसहित हार्ने पनि ओली बनेका छन् ।
