सरकारले युद्ध प्रभावित पश्चिम एसियाली मुलुकमा रहेका नेपालीको उद्धार तथा राहतका लागि पहल थाल्ने निर्णय गरेको छ । 

आइतबार बालुवाटारमा बसेको मन्त्रिपरिषद्को बैठकले रियाद, आबुधावी, दोहा, कुवेत, मस्कट, इस्लामावाद, कायरो र तेलअविवमा रहेका दूतावास र महावाणिज्यदूतावासले उद्धार तथा राहतको लागि पहल गर्ने निर्णय गरेको हो ।

सरकारका प्रवक्ता एवं गृहमन्त्री ओमप्रकाश अर्यालले मन्त्रिपरिषद्को निर्णय सुनाउँदै सम्बन्धित मुलुकमा रहेका दूतावास तथा महावाणिज्यदूतावाससँगै नेपाल सरकारले समेत अलपत्र परेकाको उद्धार र राहतमा काम थाल्ने निर्णय गरेको उल्लेख गरे ।