१० साउन २०८३, आइतबार
राष्ट्रिय स्वतन्त्र पार्टी रास्वपा सभापति रवि लामिछानेले सभामुख पदमा निर्वाचित गरियोस् भन्दै पार्टी उपसभापति डोलप्रसाद (डीपी) अर्यालको नाम प्रस्ताव गरेका छन् ।
प्रतिनिधिसभाको आइतबारको बैठकमा कार्यसूची अनुसार सभापति लामिछानेले उक्त प्रस्ताव गरेका हुन् ।
सो क्रममा उनले सभामुख पदमा अन्य दलबाट कसैको पनि प्रस्ताव नपरेको भन्दै उनले सबैलाई धन्यवाद दिए ।
‘उहाँलाई सर्वसम्मत बनाउन सबैले गर्नुभएको मद्दत र राजनीतिक सम्मानमा धन्यवाद दिन्छु‚’ रविले भने ।
२० चैतमा सभामुख पदको निर्वाचनका लागि मनोनयन दर्ता गर्न तालिका बनाइएको थियो ।
उक्त दिन रास्वपाबाट मात्र सभामुख पदमा उम्मेदवारी परेको थियो । त्यसकारण अर्याल सभामुख पदमा निर्विरोध निर्वाचित भइसकेका छन् । आजको सदनले त्यसलाई औपचारिकता दिँदैछ ।
