धितोपत्र ऐन अन्तर्गतको कसुरमा पक्राउ परेका शेखर गोल्छालाई अनुसन्धानका लागि ४ दिन म्याद थप भएको छ ।

बिहीबार साँझ पक्राउ परेका उनीविरुद्ध अनुसन्धानका लागि काठमाडौं जिल्ला अदालतले ४ दिनको म्याद दिएको हो ।

उनलाई प्रहरीको केन्द्रीय अनुसन्धान ब्यूरो (सीआईबी)को टोलीले काठमाडौंको नक्सालबाट पक्राउ गरेको थियो ।​

विवादित शेयर कारोबारको विषयमा धितोपत्र बोर्डले तयार पारेको जाँचबुझ सुपरीवेक्षण प्रतिवेदनअनुसार गोल्छासहितका ५ जनाको मिलेमतो भएको आशंका गरिएको छ ।

हिमालयन रि–इन्स्योरेन्स प्रकरणको विवादमा रहेका गोल्छा नेपाल उद्योग वाणिज्य महासंघ (एफएनसीसीआई)का पूर्वअध्यक्ष हुन् ।

उनी हिमालयन रि–इन्स्योरेन्सका पूर्वअध्यक्ष समेत हुन् ।