२६ जेठ २०८३, मंगलबार
काठमाडौंको कीर्तिपुरमा बुधबार दिउँसो एक युवकको हत्या गरेको आरोपमा ३ जना पक्राउ परेका छन् ।
पक्राउ पर्नेमा काठमाडौंको कीर्तिपुर नगरपालिका-९ हनुमानघाट बस्ने २२ वर्षीय आशिष महर्जन, बैतडीको डिलासैनी गाउँपालिका-३ घर भई हाल कीर्तिपुर-२ ट्याङलाफाँट बस्ने २१ वर्षीय रोशन बोहोरा र कैलालीको बर्दगोरिया गाउँपालिका-४ घर भई हाल कीर्तिपुर-१० पाँगा दोबाटो बस्ने २३ वर्षीय रविन धामी रहेका छन् ।
उनीहरूले कीर्तिपुरको पाँडेटोलमा साथी-साथीबीच विवाद हुँदा धारिलो हतियार प्रहार गरेर गुल्मीको धुर्कोट गाउँपालिका घर भई हाल कीर्तिपुर-३, ढाल्पा बस्ने अन्दाजी २४ वर्षीय विपिन घिमिरेको हत्या गरेको प्रहरीले जनाएको छ ।
