०९ साउन २०८३, शनिबार
४२औँ राष्ट्रिय ब्याडमिन्टन प्रतियोगिताको पुरुष एकलतर्फको उपाधि प्रिन्स दाहालले जितेका छन् ।
नेपाल ब्याडमिन्टन संघको आयोजनामा काठमाडौंको त्रिपुरेश्वरस्थित राष्ट्रिय खेलकुद परिषद् (राखेप)को कभर्डहलमा शनिबार भएको फाइनल खेलमा एपीएफ क्लबका प्रिन्सले त्रिभुवन आर्मी क्लबका विधान अधिकारीलाई हराउँदै उपाधि चुमेका हुन् ।
प्रिन्सले विधानलाई २१–१६ र २१–३ को सोझो सेटमा पराजित गरेका हुन् ।
उक्त स्पर्धामा एपीएफ क्लबका देवराज राना र त्रिभुवन आर्मी क्लबका प्रफुल्ल महर्जन संयुक्त रूपमा तेस्रो भए ।
प्रतियोगितामा सात प्रदेश र तीन विभागीय टोलीका एक सय १५ खेलाडीले विभिन्न पाँच स्पर्धामा प्रतिस्पर्धा गरेका थिए ।
