१० साउन २०८३, आइतबार
संवैधानिक परिषद्बाट प्रधानन्यायाधीशका लागि प्रस्तावित डा. मनोज शर्माको सुनुवाइ प्रक्रिया अगाडि बढाउन संसदीय सुनुवाइ समितिको बैठक बोलाइएको छ । बैठक आज बिहान पौने १० बजेलाई राखिएको समिति सचिवालय स्रोतले जानकारी दियो ।
बैठकमा प्रस्तावित प्रधानन्यायाधीशविरुद्ध परेका उजुरी खोल्ने कार्यसूची छ ।
समितिले जेठ ४ गतेसम्मको समय दिएर उजुरी आह्वान गरेको थियो । उजुरीकर्तालाई समितिमा बोलाएर छलफल गरेपछि प्रस्तावित प्रधानन्यायाधीशसँग समितिले सुनुवाइ गर्नेछ ।
गत वैशाख २४ गते बसेको परिषद्को बैठकले शर्मालाई प्रधानन्यायाधीशका लागि सिफारिश गरेको थियो ।
संवैधानिक सुनुवाइ समितिले अनुमोदन गरेमा राष्ट्रपतिले प्रधानन्यायाधीश नियुक्ति गर्ने बाटो खुल्नेछ ।
