प्रतिनिधिसभा बैठक १५ मिनेटका लागि स्थगित भएको छ ।

नेकपा एमालेका सांसद राजेन्द्र राईले सदनमा अर्थमन्त्री नआउँदासम्म नबोल्ने भनेर रोस्ट्रममा उभिइराखेपछि सभामुख डोलप्रसाद अर्यालले मंगलबार दिउँसो चिलरहेको संसद् बैठक १५ मिनेटका लागि स्थगित गरेका हुन् ।

विनियोजन विधेयकका सिद्धान्त र प्राथमिकताको छलफलमा अर्थमन्त्री डा. स्वर्णिम वाग्ले नै उपस्थित नभएको भन्दै सांसद राईले आफूले मन्त्री नआउँदासम्म नबोल्ने भनेर रोस्ट्रममै उभिए ।

सभामुखले समय दिएपछि रोस्ट्रममा पुगेका उनले जसलाई आफूले कुरा सुनाउनुपर्ने हो उही मान्छे संसद्‌मा नभएको, संसदीय थिति र परम्परा अनुसार विनियोजन विधेयकका सिद्धान्त र प्राथमिकताको छलफलमा अर्थमन्त्री हुनैपर्ने भन्दै उनले थप बोलेनन् ।

सभामुख अर्यालले अर्थमन्त्री आउँदै गरेको भन्दै त्यतिन्जेलसम्म बोल्दै गर्न भनेका थिए । सांसद राईलाई ७ मिनेटको समय दिइएको थियो । 

सभामुख अर्यालले अहिलेलाई बोल्दै गर्न र समय गणना अर्थमन्त्री आएपछि मात्र हुने बताए । तर राईले बोल्न नमानेपछि सभामुखले संसद् बैठक १५ मिनेटका लागि स्थगित भएको जानकारी गराए ।