२३ जेठ २०८३, शनिबार
२० वर्षीया युवतीलाई बलात्कार गरेको आरोपमा जाजरकोटमा एक जना पक्राउ परेका छन् ।
पक्राउ पर्नेमा भेरी नगरपालिका-१३ बस्ने ३२ वर्षीय खिमराज बटाला रहेका छन् । उनलाई प्रहरीले बुधबार दिउँसो पक्राउ गरेको हो ।
खिमराजले ती युवतीलाई जबरजस्ती करणी गरेको भन्ने उजुरीको आधारमा इलाका प्रहरी कार्यालय जगतीपुरबाट खटिएको प्रहरीले उनलाई पक्राउ गरेको हो ।
यस सम्बन्धमा प्रहरीले आवश्यक अनुसन्धान गरिरहेको जनाएको छ ।
