राष्ट्रिय स्वतन्त्र पार्टी (रास्वपा)को प्रथम राष्ट्रिय महाधिवेशन आजबाट शुरू हुँदैछ ।

महाधिवेशनको उद्‌घाटनसत्रमा सहभागी हुन विभिन्न राजनीतिक दलका नेता तथा प्रतिनिधिहरू भरतपुर पुगे पनि अहिलेसम्म उद्‌घाटन कार्यक्रम शुरू हुन सकेको छैन । दिउँसो १ बजे उद्‌घाटन गर्ने भनिए पनि दिउँसो ३:४५ सम्म पनि कार्यक्रम शुरू भएको छैन ।

नेपाली कांग्रेसका सभापति गगन थापा, पूर्वप्रधानमन्त्री बाबुराम भट्टराई, नेपाल कम्युनिस्ट पार्टी (एमाले)का नेता प्रदीप ज्ञवाली, नेपाली कम्युनिस्ट पार्टी (नेकपा)का नेता वर्षमान पुन र राष्ट्रिय प्रजातन्त्र पार्टीका अध्यक्ष राजेन्द्र लिङ्देन कार्यक्रमस्थलमा पुगिसकेका छन् ।

यसैगरी, जनता समाजवादी पार्टीका अध्यक्ष उपेन्द्र यादव र जनमत पार्टीका अध्यक्ष चन्द्रकान्त राउत चितवन पुगिसकेका जनाइएको छ ।

महाधिवेशन स्थलमा रास्वपा नेता तथा कार्यकर्ताहरूको उल्लेख्य उपस्थिति रहेको छ ।

अन्य नेता कार्यकर्ता महाधिवेशन स्थलमा पुगे पनि पार्टी सभापति रवि लामिछाने र वरिष्ठ नेता एवं प्रधानमन्त्री वालेन्द्र शाह (बालेन) कार्यक्रम स्थलमा पुगेका छैनन् ।