आजदेखि नयाँ आर्थिक वर्ष २०८३/०८४ शुरू भएको छ । सरकारले गत जेठ १५ मा ल्याएको आर्थिक वर्ष २०८३/०८४ को २१ खर्ब २४ अर्ब रूपैयाँको बजेट आजैदेखि कार्यान्वयनमा गएको हो ।

अर्थमन्त्री डा. स्वर्णिम वाग्लेले प्रस्तुत गरेको उक्त बजेट यसअघि नै संघीय संसद्अन्तर्गतको प्रतिनिधिसभा र राष्ट्रियसभाबाट पारित भइसकेको छ । 

बजेटमा चालुतर्फ १२ खर्ब ७० अर्ब रूपैयाँ विनियोजन गरिएको छ, जुन कूल बजेटको ६९.८ प्रतिशत हो ।

त्यसैगरी, पूँजीगततर्फ ४ खर्ब ३१ अर्ब रूपैयाँ अर्थात् २०.३ प्रतिशत बजेट विनियोजन गरिएको छ ।

वित्तीय व्यवस्थापनतर्फ ४ खर्ब २२ अर्ब रूपैयाँको अनुमान गरिएको छ ।

सरकारले राजस्वबाट १४ खर्ब ५ अर्ब ३१ करोड, वैदेशिक अनुदानबाट ६१ अर्ब ६४ करोड, वैदेशिक ऋणबाट २ खर्ब ४७ अर्ब २८ करोड र आन्तरिक ऋणबाट ४ खर्ब १० अर्ब उठाउने लक्ष्य लिएको छ ।