१२ साउन २०८३, मंगलबार
पाल्पामा गएराति टिप्पर दुर्घटना हुँदा सहचालकको मृत्यु भएको छ ।
पाल्पा-गुल्मी सडक खण्डअन्तर्गत हार्थोकबाट रिडीतर्फ जाँदै गरेको लु २ ख २४४७ नम्बरको टिप्पर अनियन्त्रित भई तानसेन नगरपालिका–१२ गाइघाटमा दुर्घटना हुँदा सहचालक बाग्लुङ ढोरपाटन नगरपालिका वडा नम्बर–१ खप्तरीवाङका २५ वर्षीय तेजेन्द्र कुमालको मृत्यु भएको हो ।
दुर्घटनामा चालक सोही ठाउँका २७ वर्षका मिनबहादुर कुमाल घाइते भएका छन् ।
जिल्ला प्रहरी कार्यालय पाल्पाका सूचना अधिकारी भीमलाल भट्टराईले दुर्घटनामा गम्भीर घाइते केसीको लुम्बिनी मेडिकल कलेज प्रभासमा उपचारको क्रममा मृत्यु भएको जानकारी दिए ।
चालकको अवस्था भने सामान्य छ ।
