कात्तिक २०, २०८०
काठमाडौँको कालीमाटी फलफूल तथा तरकारी बजार विकास समितिले सोमबारका लागि कृषि उपजहरुको मूल्य निर्धारण गरेको छ । जसअनुसार गोलभेँडा ठुलो (नेपाली) को अधिकतम थोक मूल्य प्रतिकिलो ७० रुपैयाँ रहेको छ । ...
काठमाडौं – निजी व्यवसायीको सिण्डीकेट अन्त्य गर्नका लागि सरकारले ‘सुपर मार्केट’ सञ्चालनमा ल्याउने भएको छ ।
नेपाल खाद्य संस्थान र नेसनल ट्रेडिङलाई गाँभेर बनाइने आपूर्ति कम्पनी मातहत सरकारले सुपरमार्केट सञ्चालनमा ल्याउने भएको हो ।
उद्योग, वाणिज्य तथा आपूर्तिमन्त्री मातृकाप्रसाद यादवले प्रधानमन्त्री तथा मन्त्रिपरिषदको कार्यालयमा यससम्बन्धी प्रस्ताव पेश गरिसकेका छन् ।
अब बस्ने मन्त्रिपरिषदको बैठकले सुपरमार्केट सञ्चालनमा ल्याउनेबारे टुंगो लगाउने छ । यसअघि उद्योग, वाणिज्य तथा आपूर्तिमन्त्री यादवले सुपरमार्केट सञ्चालनमा ल्याउनका लागि अध्ययन गर्न गत साउन ७ गते ‘पूर्वतयारी समिति’ गठन गरेका थिए ।
मन्त्रालयका सहसचिव नवराज ढकालको संयोजकत्वमा गठित ९ सदस्यीय समितिले आवश्यक अध्ययन गरेर मन्त्रालयमा यसअघि नै प्रतिवेदन पेश गरेको थियो । प्रतिवेदनका आधारमा सुपरमार्केट स्थापनाका लागि मन्त्री यादवले प्रधानमन्त्री तथा मन्त्रिपरिषद्को कार्यालयमा प्रस्ताव पेश गरेका स्रोतले जनाएको छ ।
पूर्वतयारी समितिका संयोजक समेत रहेका मन्त्रालयका सहसचिव नवराज ढकालले मन्त्रिपरिषद्मा प्रस्ताव पेश गरिएको हुन सक्ने बताए । ‘मन्त्रालयबाट हुने सम्पूर्ण प्रक्रिया सकिएको थियो,’ उनले भने, ‘मन्त्रिपरिषद्मा पेश गर्न बाँकी थियो । माथि मन्त्रीस्तरको कुरा हामीलाई थाहा हुँदैन । प्रस्ताव पेश गरिएको हुन पनि सक्छ, ।’
गत साउन २५ गतेको मन्त्रिपरिषद् बैठकलेसरकारले नेपाल खाद्य संस्थान र नेसनल ट्रेडिङ लिमिटेडलाई आपसमा गाँभेर ‘राष्ट्रिय आपूर्ति कम्पनी’ स्थापना गर्ने निर्णय यसअघि नै गरिसकेको छ । कम्पनी मातहत सुपरमार्केट सञ्चालन गर्न अब बस्ने मन्त्रिपरिषद् बैठकले प्रतिवेदनका आधारमा केही कानूनी र प्राविधिक विषयको टुंगो लगाउने स्रोतको भनाई छ ।
के छ प्रतिवेदनमा ?
समितिको प्रतिवेदनमा नेपाल खाद्य संस्थानलाई आपूर्ति कम्पनीमा रुपान्तरण गर्नका लागि खाद्य संस्थान सञ्चालक समितिले मन्त्रालयमार्फत् मन्त्रिपरिषद्मा प्रस्ताव गर्न सुझाव दिइएको छ ।
संस्थान ऐन २०२१ अनुसार गठन भएको खाद्य संस्थानलाई कम्पनी ऐन २०६३ को दफा १७३ अनुसार कम्पनीमा रुपान्तरण गर्नुपर्ने र त्यसका लागि मन्त्रिपरिषद्मा प्रस्ताव पेश गर्नुपर्ने प्रतिवेदनमा उल्लेख गरिएको छ ।
प्रक्रिया अगाडी बढाउँदा खाद्य संस्थानले आफ्नो नाम राष्ट्रिय आपूर्ति कम्पनी लिमिटेड रहने गरी प्रस्ताव गर्नुपर्ने र यसो गर्दा नेपाल खाद्य संस्थानको सम्पूर्ण शेयर, सम्पत्ति र दायित्व नयाँ नामाकरण गरिएको ‘राष्ट्रिय आपूर्ति कम्पनी’को नाममा कायम रहने गरी रुपान्तरण गर्नुपर्ने प्रतिवेदनमा उल्लेख गरिएको छ ।
आपूर्ति कम्पनीमा रुपान्तरण भइसकेपछि तत्कालीन नेसनल ट्रेडिङ कम्पनीको सम्पत्ति तथा दायित्व पनि यसै कम्पनीमा गाँभ्ने प्रक्रिया अपनाउन सकिने समितिको सुझाव छ ।
नेसनल ट्रेडिङलाई सरकारले गत माघमा नै खारेज गरिसकेको छ । प्रतिवेदनमा राष्ट्रिय आपूर्ति कम्पनीको शेयर पूँजी कायम गर्दा दुवै संस्थानमा नेपाल सरकारले गरेको लगानीलाई मुख्य आधार मान्नुपर्ने समेत सुझाव दिइएको छ ।
होला त सिण्डीकेटको अन्त्य ?
आपूर्ति कम्पनी सञ्चालनमा आएपछि निजी क्षेत्रबाट हुने गरेका सिण्डीकेटको अन्त्य हुने अपेक्षा सरकारी अधिकारीले लिएका छन् । उद्योग, वाणिज्य तथा आपूर्ति मन्त्रालयका सहसचिव ढकालले आपूर्ति कम्पनीले निजी क्षेत्रसँग प्रतिस्पर्धा गर्ने गरी भूमिका खेल्नुपर्ने बताए ।
‘कम्तिमा भाटभटेनीजस्तो सेवासुविधा उपलब्ध गराउन सक्नुपर्छ भन्ने मेरो व्यक्तिगत मान्यता पनि हो,’ उनले भने, ‘सञ्चालनमा आएपछि मुलुकभर अत्यावश्यक वस्तु तथा सेवामा रहेका सिण्डीकेटको अन्त्य हुने अपेक्षा छ ।’
चालू आर्थिक वर्षको बजेट वक्तव्य प्रस्तुत गर्दा अर्थमन्त्री डा. युवराज खतिवडाले समेत आपूर्ति प्रणालीलाई प्रतिस्पर्धी बनाउन राष्ट्रिय आपूर्ति कम्पनी बनाउने घोषणा गरेका थिए । उनले वस्तु तथा सेवाको एकाधिकार र मूल्यमा हुने गरेको मिलेमतोको अन्त्य गर्न नेसनल ट्रेडिङलाई नेपाल खाद्य संस्थानमा गाँभेर राष्ट्रिय आपूर्ति कम्पनी बनाइने घोषणा गरेका थिए ।
‘आपूर्ति प्रणालीलाई प्रतिस्पर्धी बनाउनुका साथै वस्तु तथा सेवाको एकाधिकार र मूल्य मिलेमतोको अन्त्य गरिने छ,’ बजेट वक्तव्यमा भनिएको छ ।
चालू आर्थिक वर्ष २०७४÷०७५ को बजेट वक्तव्यको बुँदा नम्बर १११ मा खाद्य संस्थान र नेसनल ट्रेडिङ लिमिटेडलाई आपसमा गाँभेर आपूर्ति कम्पनी बनाइने नीतिगत व्यवस्था नै गरिएको छ ।
पूर्वतयारी समितिको प्रतिवेदनमा कम्पनी ऐन २०६३ अनुसार राष्ट्रिय आपूर्ति कम्पनी गठन गरिने र कम्पनी स्वतन्त्र व्यावसायिक र सेवामुखी संस्था हुने उल्लेख छ ।
‘आधारभूत आवश्यकताका वस्तु तथा सेवाको सस्तो र सुलभ रुपले मुलुकभर नै उपलब्ध गराउने यसको उद्देश्य हो,’ प्रतिवेदनमा लेखिएको छ । मुलुकका विकट र खाद्यान्न अभाव भएका ठाउँमा आपूर्तिको व्यवस्था गरी सुलभ मूल्यमा खाद्यान्न उपलब्ध गराउने कम्पनीको दायित्व हुने प्रतिवेदनमा उल्लेख छ ।
प्रादेशिक संरचना
आपूर्ति कम्पनीको संरचना मुलुकभर प्रादेशिक र स्थानीय तह अनुसार हुने बताइएको छ । केन्द्र सरकारको मातहतमा रहने गरी कम्पनीले प्रादेशिक कार्यालय स्थापना गर्नुपर्ने पूर्वतयारी समितिको प्रतिवेदनमा उल्लेख छ । शाखा कार्यालय एवं बिक्री डिपोको स्थापना गरी सञ्चालन गर्नुपर्ने प्रतिवेदनले औल्याएको छ ।
नेपाल खाद्य संस्थानका मुलुकभर रहेका अञ्चल कार्यालय, शाखा कार्यालय र बिक्री डिपोलाई आपूर्ति कम्पनीको कार्यालयको रुपमा रुपान्तरण गर्न सकिने प्रतिवेदनमा उल्लेख छ । नेसनल ट्रेडिङ लिमिटेडको व्यावसायिक क्रियाकलाप बन्द भएकाले त्यसको स्वामित्वमा रहेका कार्यालय एवं गोदाम पनि आपूर्ति कम्पनीको स्वामित्वमा रुपान्तरण गर्न सकिने जनाइएको छ ।
कर्मचारी व्यवस्थापनका लागि हाल रहेका खाद्य संस्थानका कर्मचारीलाई नै उपयोग गर्न उत्तम रहने देखिएको छ । ‘नेसनल ट्रेडिङका कर्मचारीलाई अवकाश दिइसकेको अवस्थामा आपूर्ति कम्पनीमा आवश्यक जनशक्तिको तत्काल व्यवस्था गर्न नेपाल खाद्य संस्थानमा कार्यरत कर्मचारीको उपयोग गर्नुपर्छ,’ समितिको प्रतिवेदनमा लेखिएको छ ।
काठमाडौँको कालीमाटी फलफूल तथा तरकारी बजार विकास समितिले सोमबारका लागि कृषि उपजहरुको मूल्य निर्धारण गरेको छ । जसअनुसार गोलभेँडा ठुलो (नेपाली) को अधिकतम थोक मूल्य प्रतिकिलो ७० रुपैयाँ रहेको छ । ...
बुधबार गोलभेँडा ठुलो (भारतीय) को अधिकतम थोक मूल्य प्रतिकिलो ४० रुपैयाँ रहेको छ । यस्तै गोलभेँडा सानो (लोकल) को ४५ रुपैयाँ रहेको छ । यसैगरी आलु रातोको ६५, प्याज सुकेको (भारतीय) को ७५, काउली स्थानी...
कालीमाटी फलफूल तथा तरकारी बजार विकास समितिले मंगलबारका लागि कृषि उपजहरुको मूल्य निर्धारण गरेको छ । जसअनुसार गोलभेँडा सानो (टनेल)को अधिकतम थोक मूल्य प्रतिकिलो ३० रुपैयाँ रहेको छ भने गोलभेँडा सानो (भारती...
काठमाडौँको कालीमाटी फलफूल तथा तरकारी बजार विकास समितिले बुधबारका लागि कृषि उपजहरुको थोक मूल्य निर्धारण गरेको छ । समितिका अनुसार गोलभेँडा ठुलो नेपालीको अधिकतम मूल्य प्रतिकिलो ५० रुपैयाँ तोकेको ...
नेपाल आयल निगमले खाना पकाउने ग्यासको मूल्य वृद्धि गरेको छ । निगमले ग्यासको मूल्य प्रतिसिलिन्डर १५ रुपैयाँ बढाएको हो । यससँगै बिहीबारदेखि ग्यासको मूल्य प्रतिसिलिन्डर १९१० रुपैयाँ पर्ने भएको छ । ...
नेपाल आयल निगमले पेट्रोलियम पदार्थको मूल्य घटाउने निर्णय गरेको छ । निगम सञ्चालक समितिको बैठकले शुक्रबार मध्यराति १२ बजेर १ मिनेटदेखि लागू हुनेगरी पेट्रोलको मूल्य प्रतिलिटर २ तथा डिजेल तथा मट्टितेलको मूल्य ४ रु...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...