कात्तिक १७, २०८०
काठमाडौँ उपत्यका अपराध अनुसन्धान कार्यालयले ‘कल गर्ल’ चाहिएमा उपलब्ध गराइदिने भनी ठगी गर्ने दुई जनालाई पक्राउ गरी आज सार्वजनिक गरेको छ । सामाजिक सञ्जालबाट ‘कल गर्ल’ उपल...
हिरोसिमा (जापान) - बच्चैदेखि किताबमा पढ्दै अनि अग्रजबाट सुन्दै आएको नेपालको सबैभन्दा ठूलो दातृराष्ट्र जापान पुग्ने सपना जापान सरकारको जाईका अन्तर्गतको जेडीएस छात्रवृत्तिमा २ वर्षे अध्ययनका लागि छनौट भएसँगै पूरा भयो ।
भविष्यमा आफ्नो वृत्तिविकासमा छात्रवृत्तिले पार्ने सकारात्मक प्रभावलाई लिएर निकै हर्षित थिएँ । त्योभन्दा ज्यादा उत्साहित अर्काे पक्षबाट थिए, सधै जिकिर भइराख्ने जापानको आर्थिक समृद्धि, अत्याधुनिक प्रविधिबारे केहीदिनमै नजिकबाट नियाल्ने जीवनको पहिलो अवसर प्राप्त गर्दै थिए ।
२०१९ अगस्टको अन्तिम साताको उडानबाट मातृभूमि नेपाल छोडेर सूर्याेदयको देश जापान टेकेदेखि हालसम्मको छोटो समयमा जापानमा मलाई अचम्मित साथै आकर्षित गर्ने थुप्रै कुरा देखिए तर ३ वटा यस्ता अद्भूत कुरा देखे, जसले पूरा जापानलाई परिभाषित गर्ने सामर्थ्य राख्दछ ।
जापानलाई ३ ‘अ’ मा समेटेर परिषाषित गर्न सकिन्छ । जुन यसप्रकार छन् –
पहिलो – अटोमेसन
अटोमेसन अर्थात् स्वचालन जापानको विकास र समृद्धिको पर्याय प्रतित हुन्छ । जापानमा ठूल्ठूला औद्योगिक क्रियाकलापदेखि स–साना दैनिक दिनचर्याका कार्य पनि स्वचालित प्रविधिमा आधारित छन् ।
निश्चय नै अटोमेसनले जापानको समृद्धिलाई गति दिएको प्रतित हुन्छ । चाहे ट्राफिक सिग्नल हुन्, रेल तथा बस वा अन्य भुक्तानीका कुराहरू स्वचालित प्रविधिमा छन् । यति मात्रै नभई यहाँका शौचालय पनि उच्च स्वचालित प्रविधिमा टेकेर बनाइएका छन् ।
अर्काे जापानको गज्जबको कुरा भनेको भेन्डिङ मशिन हो । जसको प्रयोगबाट विना पसले सहजै सडकको छेवैबाट अत्यावश्यक वस्तु खरिद गर्न सकिन्छ ।
जापानको हालको जनसंख्या करीब १३ करोड रहेको छ । जापानमा ५० लाखजति भेन्डिङ मशिन रहेको पछिल्लो तथ्यांकले देखाउँछ अर्थात् हरेक २६ जनाको लागि १ भेन्डिङ मशिन ।
दोस्रो – अथक परिश्रम
‘वर्क इज वर्शीप’ अर्थात् कामलाई पूजा मान्ने संस्कारको जापानमा निकै अनुशासित ढंगले प्रत्येक नागरिकले व्यावहारिक कार्यान्वयन गरेको महसूस सहजै गर्न सकिन्छ । काम गर्दा जापानीहरू समयलाई निकै ध्यान दिँदा रहेछन् ।
एउटा किस्सा जो मसँग घटेको थियो समयलाई लिएर । टोकियोको सिंजुकु वासिङ्गटन होटेलको बसाइको दौरान हामीहरूलाई जाईकाले जापानमा घुलमिल हुन सहज होस् भन्ने उद्देश्यले जापानी भाषाको मोड्युलहरू पनि सञ्चालन गरेको थियो । पहिलो कक्षामा जाँदा म लिफ्टमा मानिसहरूको चापले गर्दा १ मिनेट ढिलो पुगेको थिए । कक्षा प्रवेशपश्चात् जापानी भाषा प्रशिक्षकले ‘बोहरा सान ! यु आर वान मिनेट लेट’ भनेको अझै याद आउँछ ।
समयका अतिरिक्त जापानीको कामप्रतिको लगाव पनि निकै अनुकरणीय रहेको छ । सुन्दा अचम्म राख्छ – जापानमा कर्मचारीले तोकिएभन्दा घण्टौं ज्यादा काम गर्ने प्रवृत्ति बढ्दै गएको र त्यसले गर्दा स्वास्थ्य एवं पारिवारिक जीवनमा असर पर्नसक्ने सम्भावनालाई मध्यनजर गरी धेरै कार्यालयमा निगरानीको लागि रोबोट वा ड्रोन राखिँदा रहेछन् । यदि कुनै कर्मचारी लगातार धेरै दिनसम्म अतिरिक्त काम गरेको फेला पर्छ भने स्पष्टीकरण सोधिनुका साथै त्यस्तो नगर्न प्रबन्धकबाट निर्देशितसम्म गरिँदो रहेछ ।
तेस्रो – आरिगातो गोजाईमास
आरिगातो गोजाईमास अर्थात् नम्र जापानी संस्कार । अर्थतन्त्रको हिसाबले विश्वको तेस्रो शक्ति जापान संस्कार एवं विनम्रतामा भने निर्विवादित रुपमा नम्बर १ स्थान दावीको हकदार रहन्छ । जापानी जति विनम्र अनि सदाचारी मानिस दुनियाँमा बिरलै भेटिन्छन् होला जस्तो लाग्दछ जापानीको व्यवहार, बोली, सहयोगी भावना देख्दा ।
उपशीर्षकमा रहेको ‘आरिगातो गोजाईमास’को अर्थ के हो भन्ने कतिपयलाई कौतुहलता जाग्न सक्छ । जापानीमा ‘धन्यवाद’लाई ‘आरिगातो गोजाईमास’ भनिन्छ । यो हुन त केवल एक शब्द हो तर नम्र जापानी दिनमा यसको कति हजार पटक प्रयोग गर्दछन्, त्यो बडा सुन्दर पक्ष रहेको छ ।
एउटा विदेशी सहयोग माग्न जापानी कहाँ पुग्छ, जापानीले पूरा सहयोग गर्छ साथै अन्त्यमा मुस्कानसहित ‘आरिगातो गाजाईमास’को भेट पनि टक्र्याउँदछ । यो हो जापानी संस्कार ।
विनम्रसँगै जापानीहरू निकै इमान्दार पनि हुँदा रहेछन् । १ दिन टोकियो बसाइका दौरान १ जना पाकिस्तानी साथीको मोबाइल फोन होटेलको लबिमा छुटेको थियो । ती साथीले त्यो कुरा भोलि मात्र थाहा पाएका थिए र रिसेप्सनमा बुझ्न जाँदा हिजो १ जना जापानीले फेला पारेको र रिसेप्सनमा बुझाइदिएको कुरा थाहा भएको थियो ।
त्यो दिन मलाई लाग्यो सायद समृद्ध र शक्तिशाली देश ठूल्ठूला भवन र महलले नभई त्यो देशका नागरिकको इमान्दारिताले बन्ने गर्छन् ।
(शाखा अधिकृत बोहरा हाल हाल जापानको हिरोसिमा विश्वविद्यालयमा अध्ययनरत छन् ।)
काठमाडौँ उपत्यका अपराध अनुसन्धान कार्यालयले ‘कल गर्ल’ चाहिएमा उपलब्ध गराइदिने भनी ठगी गर्ने दुई जनालाई पक्राउ गरी आज सार्वजनिक गरेको छ । सामाजिक सञ्जालबाट ‘कल गर्ल’ उपल...
आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...
काठमाडौं उपत्यकामा भूकम्पको झड्का महसुस गरिएको छ । सोमवार अपरान्ह ४ बजेर ३३ मिनेटको समयमा भूकम्पको झड्का महसुस गरिएको हो । जाजरकोटको रामीडाँडा केन्द्रविन्दु भएर अपराह्न ४ बजेर ३१ मिनेटमा ५ दशमलव ८ रे...
भैहवाबाट झण्डै २० किलोमिटर पश्चिममा छ रुपन्देहीको सियारी–५ मा बैदौली गाउँ । सोही गाउँकी ३३ वर्षीया सावित्रा खरेल खनाल आमा बन्ने खुसीको मुखैमा थिइन् । विवाह गरेको दुई वर्ष मात्रै पुग्नै लाग्दा सावित्रा आम...
नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...