लियोनार्दो दा भिन्चीको कालजयी कृति मोनालिसाका सम्बन्धमा नयाँ अध्ययन निष्कर्ष सार्वजनिक भएको छ । 

नयाँ अध्ययनअनुसार, पुनर्जागरण कालका महान् कलाकारको दाहिने भाग पक्षघातका कारण चल्न छोडेकोले मोनालिसा पूरा गर्न सकेनन् । 

तर उनले देब्रे हातको सहायताले यो चित्रलाई अन्तिम रूप दिएका थिए । यस क्रममा उनलाई निकै पीडा भएको थियो । लियोनार्दो आफ्नो दाहिने हातले चित्र बनाउने गर्थे र रोगका कारण उनका अनेकौं काम अधुरै रहे । 

अहिलेसम्म प्राप्त जानकारी अनुसार, लियोनार्दो आफ्ना आखिरी दिनमा ठूलो स्ट्रोकको शिकार बनेका थिए र उनको दाहिने भाग निकै प्रभावित भएको थियो । उनले प्रयोग गरेको प्यालेट र ब्रशको स्थिति उनका चित्रहरूम देखिन्छ । 

जर्नल अफ द रोयल सोसाइटी अफ मेडिसिनमा प्रकाशित रिपोर्टअनुसार, दा भिन्चीका केही चित्र हेर्दा उनको दाहिने हातको तल्लो भागमा कपडा बाँधेर घाँटीमा झुण्ड्याइएको हुनुपर्छ । 

रिपोर्टका सहलेखक डाक्टर डेभिड लजेरी प्लास्टिक रिकन्स्ट्रक्टिभ एस्थेटिक सर्जन हुन् र उनको पनि यही राय छ । उनले भने, ‘तस्वीर हेर्दा उनले वैकल्पिक तरिका प्रयोग गरेको जस्तो लाग्छ । त्यसलाई क्ल ह्यान्ड अथवा नक्कली हात भनिन्छ ।’

डाक्टर लजेरी भन्छन्, ‘शायद यसैले गर्दा उनले आफ्नो जीवनको अन्तिम पाँच वर्षमा कुनै चित्र बनाएनन् । उनी शिक्षकका रूपमा विद्यार्थीहरूलाई तालिम दिइरहे तर आफैंले चाहिँ केही पनि बनाएनन् ।’

एजेन्सी