काठमाडौं – चीनका सुरक्षाबलहरूले हङकङका प्रदर्शनकारीहरूलाई विद्युतीय झड्का दिनेगरी ठूलो काँटा प्रयोगको तयारी गरेका छन् । 

प्रहरी र सैनिकहरूले ती हतियारमार्फत भीड नियन्त्रणको अभ्यास गरेको तस्वीर सार्वजनिक भएको छ । ती हतियारले शरीर डढाउने र प्वाल पार्ने क्षमता राख्छन् । हतियार प्रयोगको अभ्यास शेनझेन बे स्पोर्ट्स सेन्टरमा गरिएको हो जुन हङकङ सीमाबाट ४.५ माइल मात्र टाढा छ । 

हङकङमा १० लाख प्रदर्शनकारीले सडकमा प्रदर्शन गर्ने अपेक्षा छ । उनीहरूले अन्तर्राष्ट्रिय विमानस्थल बन्द गरिदिएका छन् जसले गर्दा विश्वकै आर्थिक केन्द्रका रूपमा रहेको शहरको आवागमन अस्तव्यस्त भएको छ । 

सैनिक र सशस्त्र अधिकारीहरूले आठ फीट लामो काँटा बोकेका छन् र ती विद्युतीय भएको विश्वास गरिएको छ । चीनको सरकारी सञ्चारमाध्यमले यसको तस्वीर प्रकाशित गरेको हो ।

एकजना सैनिकले प्रहरीका अनेकौं सदस्यसँग मिलेर काँटा उज्याएको देखिएको थियो । 

प्रदर्शनकारीहरूलाई नियन्त्रणमा लिन र भगाउन विद्युतीय झड्का दिने काँटाको उपयोग गरिने सम्भावना छ ।

एजेन्सी