चैत २७, २०८०
यामाहाको एमटी १५ को करसहितको वास्तविक मूल्य करिब ३ लाख ६८ हजार मात्र हो, तर यसलाई यामाहाको आधिकारिक बिक्रेता एमएडब्ल्यू इन्टरप्राइजेजले ५ लाख २५ हजारमा बेचिरहेको छ । यसको शो-रूम मूल्य वास्तविक मूल्यभन्दा डे...
फागुन ३ गते २ नम्बर प्रदेशका मुख्यमन्त्री लालबाबु राउतले विभिन्न मन्त्रालयका मन्त्रीलाई राखेर सरकार सफल भएको दाबी गरे । प्रदेश सरकार स्थापना भएको २ वर्ष पूरा भएको दिन पत्रकार सम्मेलन नै गरेर संघीय सरकारको असहयोगका बाबजुद प्रदेश सरकारले जनताको हितमा धेरै काम गरेको मुख्यमन्त्री राउतले दाबी गरे ।
आधा घण्टाजति लिखित तथ्यांक पढेर वाचन गर्नुका साथै केही प्रश्नको समेत जवाफ दिँदै उनले प्रदेश सरकार पूर्ण रुपमा सफल भएको दाबी गरे । तर मुख्यमन्त्री राउतको दाबीलाई बजेट खर्चको अवस्थाले कमजोर बनाइदिएको छ । विकास निर्माणका लागि विनियोजित बजेट खर्च गर्न भने प्रदेश सरकार सक्षम देखिएको छैन ।
चालू आर्थिक वर्ष २०७६/०७७ को ७ महिना अर्थात् माघसम्म ७.६१ प्रतिशत रकम मात्र खर्च भएको छ । खर्चमध्ये विकास निर्माणका लागि विनियोजित पूँजीगततर्फ ४.३५ प्रतिशत रुपैयाँ मात्र खर्च भएको छ ।
प्रदेश लेखा नियन्त्रक कार्यालय जनकपुरका लेखा अधिकृत महेन्द्र मण्डलले प्रदेशले विनियोजन गरेको बजेटमध्ये माघसम्म ७.६१ मात्रै खर्च भएको बताए ।
मण्डलले उपलब्ध गराएको तथ्यांक अनुसार कुल बजेट ३९ अर्ब २२ करोड ४२ लाख १४ हजार रुपैयाँमध्ये माघसम्म २ अर्ब ९८ करोड ४९ लाख ८२ हजार ५४० रुपैयाँ मात्र खर्च हुन सकेको छ । पूँजीगततर्फ १९ अर्ब २६ करोड ६७ लाख ७९ हजार रुपैयाँमध्ये ८३ करोड ७२ लाख ७४ हजार ७४१ रुपैयाँ मात्र खर्च भएको छ । जुन बजेटको ४.३५ प्रतिशत हो ।
चालू बजेटतर्फ १९ अर्ब ९५ करोड ७४ लाख ३५ हजार रुपैयाँ विनियोजन भएकोमा २ अर्ब १४ करोड ७७ लाख ७ हजार ७९९ रुपैयाँ मात्र खर्च भएको छ । चालूतर्फ खर्च प्रतिशत १०.७६ प्रतिशत छ ।
जिल्लागत आधारमा सबैभन्दा कम धनुषा जिल्लामा र सबैभन्दा बढी बारा जिल्लामा खर्च भएको छ । कुल बजेटमध्ये पर्सामा ९.७४ प्रतिशत, बारामा २३.९५ प्रतिशत, रौतहटमा १२.०६ प्रतिशत, सर्लाहीमा १०.३३ प्रतिशत, महोत्तरीमा ११.१४ प्रतिशत, धनुषामा ५.३६ प्रतिशत, सिरहामा ९.९३ प्रतिशत र सप्तरीमा ९.२८ प्रतिशत रकम मात्र खर्च भएको छ ।
पूँजीगततर्फ पर्सामा २.९२ प्रतिशत, बारामा १२.१५ प्रतिशत, रौतहटमा ४.५४ प्रतिशत, सर्लाहीमा ६ .५६ प्रतिशत, महोत्तरीमा ७.०४ प्रतिशत, धनुषामा ३.८४ प्रतिशत, सिरहामा ४.२९ प्रतिशत र सप्तरीमा ५.४८ प्रतिशत रकम मात्र खर्च भएको छ ।
गत आर्थिक वर्ष २०७५/०७६ मा कूल बजेटको ५१.५३ प्रतिशत मात्र खर्च भएको थियो । समीक्षा गरिएको बजेटमा नेपाल सरकारबाट प्राप्त सशर्त अनुदान, समपुरक अनुदान, आईडीए र विशेष अनुदान बापतको बजेट समेत समावेश छ ।
चालू बजेट अन्तर्गत ५४.९५ प्रतिशत, पूँजीगततर्फ ४९.१४ प्रतिशत र जम्मा ५१.५३ प्रतिशत रकम खर्च भएको थियो । गत वर्षमा खर्च हुन नसकेको अवस्था जस्तै चालू आर्थिक वर्षमा पनि बजेट खर्च हुने सम्भावना देखिएको छैन । यस वर्ष पनि नेपाल सरकारको सशर्त अनुदानसहित अन्य अनुदानको रकम फिर्ता हुन सक्ने देखिएको छ ।
प्रदेश सरकारमा संरचना अभाव, जनशक्ति अभाव, समय–समयमा मन्त्रालयका सचिवलाई संघीय सरकारले सरुवा गरिदिने समस्याका कारण बजेट रकम खर्च हुन नसकेको प्रदेश सरकारका मुख्यमन्त्री लालबाबु राउत बताउँछन् ।
‘त्यत्रो शक्तिशाली संघीय सरकारले त माघसम्ममा ११ प्रतिशत जति पनि रकम खर्च गर्न सकेको छैन भने सीमित स्रोतसाधनका बाबजुद त्यति रकम खर्च हुनु भनेको सफलता नै हो,’ मुख्यमन्त्री राउत भन्छन्, ‘तर पनि संघीय सरकारभन्दा राम्रो प्रदर्शन होस् भन्ने चाहना छ ।’
‘गत वर्ष कर्मचारी अभाव, समय अभाव, अन्तिम समयमा आएर बजेटको अख्तियारी सम्बन्धित मन्त्रालयहरूले पठाएर आधा जति रकम खर्च हुन सकेन,’ मुख्यमन्त्री राउतले लोकान्तरसँग भने, ‘यस वर्ष हामी सचेत छौं र विभिन्न मन्त्रालयले समेत अख्तियारी पठाइरहेकाले खर्चको प्रतिशत बढ्नेमा विश्वस्त छौं ।’
गत वर्ष विकास निर्माणको काममा व्यापक अनियमितता भएको भन्दै प्रदेश सरकारको आलोचना भइरहेको छ भने दर्जनौं फाइलहरू अख्तियार दुरुपयोग अनुसन्धान आयोगले झिकाएर अनियमितताको छानबिन गरिरहेको छ ।
यामाहाको एमटी १५ को करसहितको वास्तविक मूल्य करिब ३ लाख ६८ हजार मात्र हो, तर यसलाई यामाहाको आधिकारिक बिक्रेता एमएडब्ल्यू इन्टरप्राइजेजले ५ लाख २५ हजारमा बेचिरहेको छ । यसको शो-रूम मूल्य वास्तविक मूल्यभन्दा डे...
काभ्रेपलाञ्चोकको पाँचखाल नगरपालिकाका प्रमुख महेश खरेलले झन्डै १ अर्बको प्रोजेक्टमा नेपाल महिला उद्यमी महासंघसँगको पूर्वसम्झौता उल्लंघन गर्दै आफ्नी जेठीसासू अध्यक्ष रहेको संस्थासँग सम्झौता गरेको पाइएको छ । महिला ...
नेपाल विद्युत् प्राधिकरणका प्रबन्ध निर्देशक कुलमान घिसिङले विश्व बैंकको लगानी रहेको ढल्केबर सबस्टेसन निर्माणका क्रममा आफ्नो स्वार्थ जोडिएको कम्पनीलाई कानूनविपरीत ठेक्का दिएको पाइएको छ । करिब ४ करोड बराबरको...
मिडियाकै हितविपरीत काम गरेर विवादमा तानिएको विज्ञापन बोर्डले दुई वर्षमा राज्यकोषमा २० करोड ३१ लाख रुपैयाँ बढी व्ययभार थपेको छ । मिडियाको हितविपरीत एकपछि अर्को निर्णय गरेको बोर्डले विगत दुई वर्षमा २० करोड ३१...
राष्ट्रिय स्वतन्त्र पार्टीका सभापति रवि लामिछाने र सोही पार्टीका नेता समेत रहेका पूर्व बैंकर अनिल केशरी शाहले 'चेक क्लियरिङ'का सम्बन्धमा गरेको दाबीमा गम्भीर प्रश्न उठेको छ । सहकारी ठगी प्रकरणमा प्रस्टीकर...
एक वर्षको बीचमा भएको १३८ किलो सुन तस्करीका नाइके जीवनकुमार गुरुङ हाल अर्थ मन्त्रालय मातहत रहेको भन्सार विभागको हिरासतमा छन् । लामो समय फरार रहेका गुरुङलाई यही फागुन १४ गते काठमाडौंको सामाखुशी क्षेत्रबाट ...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...