कात्तिक २२, २०८०
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
पोखरा महानगरपालिका–२७ अर्घौमा गत शनिवार भएको युवक हत्याकाण्डका २ जना अभियुक्तलाई प्रहरीले सार्वजनिक गरेको छ ।
सामान्य निहुँमा ढुंगाले हानी हत्या गर्ने मृतकका सहकर्मीहरू भएको खुलेको छ ।
हत्याकाण्ड लुकाउन खाल्डो खनेर गाडिएको अवस्थामा प्रहरीले मंगलवार शव उत्खनन् गरी बाहिर निकालेको थियो । मृतक कास्कीको मादी घर भई हाल पोखरा–२७ सुन्दरीबजार बस्ने २१ वर्षीय सुजन विक हुन् ।
जिल्ला प्रहरी कार्यालय कास्कीले बिहीवार पत्रकार सम्मेलन गरेर दिएको जानकारी अनुसार पक्राउ पर्नेमा सुजनसँगै काम गर्ने प्यूठानका २ जना युवक छन् । प्यूठानको गौमुखी गाउँपालिका–३ घर भई हाल पोखरा–२७ सुन्दरीबजार बस्ने २३ वर्षीयका प्रकाश घर्ती मगर र २१ वर्षीय थमन पुनमगर पक्राउ परेका छन् । अभियुक्तहरू बिजुलीको काम गर्दै आएका थिए ।
सार्वजनिक गरिएको घटना विवरण अनुसार जेठ ३ गते शनिवार राति सवा ७ बजे सुजन, प्रकाश, थमन, राम पुनमगरसहित ५ जनाले सँगै रक्सी खाए । तीमध्ये रामु साढे ९ बजेतिर सँगै रहेकी एक दिदीलाई छोड्न भनी निस्के ।
बाँकी रहेका सुजन, प्रकाश र थमन पनि रक्सी खाएपछि घरजान भनी निस्के । बाटोमा सुजनले गालीगलौज र होहल्ला गर्दै हिँड्न थालेपछि सहकर्मीहरूले निको मानेनन् । १–२ पटकसम्म हल्ला नगर भनी सम्झाए पनि । पछि अटेर गरेपछि थमनले सुजनलाई मुक्का हाने । पछाडिबाट मुक्का हानेपछि सुजन थचक्क भुइँमा बसे र पुनः चिच्याउन र कराउन थाले ।
लगत्तै प्रकाशले जमिनमा रहेको ढुंगो टिपेर सुजनको टाउकोको पछाडि बजारे । करीब ३ किलो बढी तौल रहेको ढुंगाको प्रहारबाट सुजनको टाउकोको बायाँपट्टि लाग्यो ।
विडम्बना ! सुजनको घटनास्थलमै मृत्यु भयो । ख्यालख्यालमै सहकर्मीको मृत्यु भएपछि अभियुक्त प्रकाश र थमन कालोनिलो भए । उनीहरूले हाल शव भेटिएको स्थानभन्दा करीब २–३ सय मिटर पूर्वतर्फ सुजनको हत्या गरेका थिए । पछि शव झुण्डाउँदै उनीहरूले बाँझो रहेको खेतको डिलमा ढुंगाको पर्खालबाट शव छिराए र घर फर्किए । मिलेर सँगै फेरि गाँजा खाए ।
शव सही व्यवस्थापन नभएकाले हत्याकाण्डको पोल खुल्ने डरले उनीहरू राति पुनः घटनास्थल फर्के र काठको दाउराले केही भाग खनी खोस्री सामान्य तरिकाले ढुंगाले पुरेर फर्के । उनीहरू घर फर्किदाँ रातको साढे १२ बजेसकेको थियो ।
साथीहरू सँगसँगै गएको छोरो नफर्केपछि सुजनकी आमाले उनीहरूलाई सोधखोज गरिन् । उल्टै उनीहरूले पर चौतारीसम्म गएको पछि अर्को साथीले बोलाएकाले १५ मिनेटमै आउँछु भनी गएको, हामीलाई थाहा भएन, के अझैसम्म आएका छैनन् र भनी उल्टै प्रतिप्रश्न गरेको घटनाको व्यहोरा कास्की प्रहरी प्रमुख प्रहरी उपरीक्षक दानबहादुर कार्कीले पत्रकार सम्मेलनमा सार्वजनिक गरे ।
उनका अनुसार सुजन हराएपछि सोधखोज गर्दा पनि पत्तो नलागेपछि घरपरिवारले जेठ ६ गते मंगलवार प्रहरीसमक्ष उजुरी गरेका थिए । उजुरी परेकै दिन साँझ ५ बजेतिर कास्की प्रहरी प्रमुख कार्कीसहित डाँडाकोनाक प्रहरी चौकीका प्रमुख प्रहरी नायव उपरीक्षक अर्जुन रानाभाट, जिल्ला प्रहरी कार्यालयका प्रवक्ता प्रहरी निरीक्षक नरहरि अधिकारी सम्मिलित टोलीले शव भेटाएको हो ।
त्यसपछि हत्याकाण्डको घटना बाहिरियो । प्रहरीले मंगलवार र बुधवार गरी घटनाको अनुसन्धान क्रममा १० जना मानिसलाई पक्राउ गरी बयान लिएर छाडेको थियो । ती १० जनामध्ये अभियुक्त भनिएका प्रकाश र थमन पनि थिए ।
शुरूआतमा कठिन परेको प्रहरीलाई पछि अनुसन्धान ‘न्यारो डाउन’ गर्दै जाँदा हत्याको रहस्यसँगै अभियुक्त पहिचान गर्न सहज भएको बताइएको छ । दुवै अभियुक्तलाई बिहीवार बिहान पुनः पक्राउ गरिएको थियो ।
कास्कीमा गत जेठ ३ मा समेत पोखरा–१४ मा २२ वर्षीय बिमल रानाभाटको शव प्रहरीले गाडिएकै अवस्थामा फेला पारेको थियो । आफ्नै साथी ज्ञानबहादुर परियारले घनले हानेर रानाभाटको हत्या गरेको अनुसनधानमा खुलेको थियो । परियारले १ महिनाअघि रानाभालाई घनले हानेर हत्या गरी उनकै घर पछाडि बारीको डिलमा शव गाडेका थिए ।
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
काठमाडौँ, २२ चैत –निर्वाचन आयोगले न्यायपरिषद्को परामर्शमा ७५ जिल्लाका जिल्ला न्यायाधीशलाई मुख्य निर्वाचन अधिकृत नियुक्त गरेको छ । आगामी वैशाख ३१ गते हुने स्थानीय तह निर्वाचनका लागि आयोगले उनीहरुलाई मुख्...
भैहवाबाट झण्डै २० किलोमिटर पश्चिममा छ रुपन्देहीको सियारी–५ मा बैदौली गाउँ । सोही गाउँकी ३३ वर्षीया सावित्रा खरेल खनाल आमा बन्ने खुसीको मुखैमा थिइन् । विवाह गरेको दुई वर्ष मात्रै पुग्नै लाग्दा सावित्रा आम...
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
काठमाडौं उपत्यकामा भूकम्पको झड्का महसुस गरिएको छ । सोमवार अपरान्ह ४ बजेर ३३ मिनेटको समयमा भूकम्पको झड्का महसुस गरिएको हो । जाजरकोटको रामीडाँडा केन्द्रविन्दु भएर अपराह्न ४ बजेर ३१ मिनेटमा ५ दशमलव ८ रे...
तत्कालीन प्रहरी नायब महानिरीक्षक (डीआईजी) अशोक सिंहले २०७९ फागुन १० गते जिम्मेवारीबाट राजीनामा दिए । प्रहरी महानिरीक्षक (आईजीपी)को लाइनमा रहेका सिंहको जन्ममितिमा कैफियत देखिएपछि राजीनामा दिनुपरेको थियो ।&...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...