०६ साउन २०८३, बुधबार
कर्णाली प्रदेशमा कोरोना संक्रमण भएकाहरु धमाधम डिस्चार्ज हुँदै घर फर्किएका छन् ।
शुक्रवार दिउँसोसम्म १ हजार ४ सय ८३ जना संक्रमित भएकोमा २ सय ९९ जना मात्रै अहिले आइसोलेसनमा बसेर उपचार गराइरहेका छन् ।
प्रदेश सरकारको सामाजिक विकास मन्त्रालय स्वास्थ्य सेवा महाशाखा प्रमुख डा. लक्ष्मीनारायण तिवारीका अनुसार दैलेख अस्पतालबाट शुक्रवार ९ जनामा कोरोना पुष्टि भएसँगै कर्णालीमा कोरोना संक्रमितको संख्या बढेको हो ।
कोरोना संक्रमित हुनेहरु नारायण नगरपालिकाका ८ जना र डुंगेश्वर गाउँपालिका दैलेखका १ जना रहेका छन् ।
